Для ўсіх, хто хоча лепш разумець, як працуе дэзінфармацыя, правяраць інфармацыю і лагічна будаваць сваю пазіцыю.

Курс можа быць карысны тым, хто:

• хоча стаць лідарам(-кай) меркаванняў;
• будуе сваю супольнасць і працуе з аўдыторыяй;
• хоча навучыцца тлумачыць іншым, чаму не варта верыць усяму, што паказваюць па тэлевізары або пішуць у інтэрнэце;
• хоча стварыць уласны кантэнт супраць прапаганды.

На курсе ўдзельнікі(-цы) навучацца:

• Лагічна выбудоўваць сваю пазіцыю і падмацоўваць яе фактамі;
• Заваёўваць давер аўдыторыі і прыцягваць прыхільнікаў(-ніц);
• Распазнаваць фэйкі, маніпуляцыі, кагнітыўныя скажэнні, deepfake-кантэнт, сайты-клоны і ботаў;
• Аналізаваць інфармацыйныя кампаніі і разумець, хто можа стаяць за іх распаўсюдам.

Праграма:

• 26 кастрычніка, панядзелак — «Што такое праўда і як да яе дакапацца»
  Пра тое, чым адрозніваюцца дадзеныя, факты і меркаванні, і як закласці базу для працы з інфармацыяй.
• 29 кастрычніка, чацвер — «Адкуль бяруцца фэйкі»
  Пра тое, як ствараюцца інфармацыйныя кампаніі, хто іх замаўляе, для каго яны працуюць і як адрозніваць першакрыніцу ад пераказу.
• 2 лістапада, панядзелак — «Багі мозгу і кагнітыўныя скажэнні»
  Пра тое, чаму паўтораная шмат разоў хлусня пачынае здавацца праўдай, як працуюць падмена фактаў меркаваннямі, фрэймінг, гульні з кантэкстам і фальшывыя дылемы.
• 5 лістапада, чацвер — «Вайна машын і вайна з машынамі»
  Пра тое, як нейрасеткі зрабілі фэйкі таннымі і масавымі, як працуюць аперацыі ўплыву, сайты-клоны, deepfake-кантэнт і боты ў каментарах.
• 9 лістапада, панядзелак — «Практыка»
  Фінальная сустрэча, на якой удзельнікі(-цы) будуць разбіраць фэйкі і інфармацыйныя кампаніі, што трапляюцца ў стужках: хто замоўца, на каго гэта разлічана і якія прыёмы выкарыстоўваюцца.

Фармат:
• кожны занятак доўжыцца 1 гадзіну;
• усе заняткі пачынаюцца а 17:00 па Варшаве.

Бонус для ўдзельнікаў(-ніц):
Пасля курса самыя актыўныя ўдзельнікі(-цы) змогуць стварыць уласны праект супраць прапаганды ў любым фармаце: рылс, падкаст, пост, комікс або нешта сваё.

Арганізатары прапануюць:

• Ментарства ад беларускіх крэатараў(-ак), якія дапамогуць распрацаваць праект;
• Інфармацыйную падтрымку або пляцоўку ў сацсетках РАДА;
• Падтрымку на розных этапах працы;
• Па магчымасці — дапамогу з тэхнікай, памяшканнем або фінансавымі рэсурсамі.