Для каго: творчыя людзі, якія малююць, праектуюць, працуюць з візуальнымі матэрыяламі, ілюстрацыяй, плакатамі, сацсеткамі, майстэрнямі або проста хочуць прыдумляць ідэі для праваабарончых кампаній.

Важна: шукаюць толькі людзей, якія не знаходзяцца ў Беларусі і не ездзяць туды, а таксама не ездзяць у іншыя небяспечныя краіны.

Пра ініцыятыву:

(Не)таемны Ордэн «Белага Слана» — валанцёрская ініцыятыва дапамогі ў праваабарончай дзейнасці.

Што можна рабіць:

• Ствараць візуалы, ілюстрацыі і плакаты для кампаній;
• Сумесна праводзіць творча-рэфлексійныя майстэрні;
• Прыдумляць, як паказваць складаныя сацыяльныя тэмы прыгожа і зразумела;
• Весці і аздабляць сацыяльныя сеткі;
• Далучацца да званкоў і накідваць творчыя ідэі.

Узровень уключанасці можа быць розным — важна, каб было трохі часу і жадання прысвяціць яго творчасці з сэнсам.

Што дае Ордэн:

• Супольнасць людзей з блізкімі поглядамі;
• Магчымасць убачыць «жывую праваабарону» знутры;
• Удзел у адвакацыйных кампаніях, скіраваных на вырашэнне грамадскіх праблем у Беларусі;
• Магчымасць даведвацца пра навучанне і развівацца ў новым.

Каго чакаюць:

• Людзей, якія падзяляюць праваабарончыя каштоўнасці: усе правы чалавека для ўсіх, мірныя метады, свабода, роўнасць, справядлівасць і чалавечая годнасць;
• Тых, хто пакуль не ва ўсім разбіраецца, але хоча развівацца ў гэтым кірунку.

Пасля запаўнення формы будзе кароткая анлайн-размова.

Як далучыцца: запоўніць анлайн-анкету і чакаць сувязі ад каманды.