Для каго: беларускія журналісты(-кі), даследчыкі(-цы), медыяспецыялісты(-кі), актывісты(-кі) і ўсе, каму цікава развіваць веды і кантакты ў сферы супрацьдзеяння дэзынфармацыі.

Папярэдні досвед не абавязковы, але будзе ўлічвацца пры адборы разам з матывацыяй і планамі выкарыстоўваць атрыманыя навыкі.

У праграме:

• OSINT і праверка адкрытых крыніц: геалакацыя, спадарожнікавыя здымкі, аналіз метададзеных;
• Маніторынг і аналіз дэзынфармацыйных наратываў;
• Выяўленне і дэбанкінг прапагандысцкіх паведамленняў і кампаній;
• Адказнае выкарыстанне інструментаў штучнага інтэлекту для аналізу і праверкі;
• Лічбавая бяспека і этычныя стандарты ў журналістыцы, расследаваннях і працы з дэзынфармацыяй.

Змест варкшопаў ва ўсіх трох гарадах будзе падобны.

Прапануецца:

• Харчаванне і неабходныя матэрыялы падчас заняткаў;
• Магчымае пакрыццё выдаткаў на дарогу і пражыванне для ўдзельнікаў(-ц) з іншых гарадоў і краін — пры наяўнасці бюджэту і ў межах лімітаў;
• Магчымасць сфармаваць каманду або працаваць індывідуальна над праектам пасля варкшопу;
• Гранты да 2000 еўра на найлепшыя праекты;
• Ментарская падтрымка і кансультацыі падчас рэалізацыі праектаў.

Пра гранты:

Пасля ўсіх варкшопаў арганізатары апублікуюць асобны набор на фінансаванне праектаў, звязаных з дэзынфармацыяй і барацьбой з прапагандай. Можна будзе падаваць аналітычныя праекты, маніторынгі, даследаванні, дэбанкінгавыя ініцыятывы або журналісцкія расследаванні. На рэалізацыю праектаў будзе адведзены адзін месяц.

Фінансаванне не гарантуецца: сродкі атрымаюць толькі праекты, адабраныя камісіяй. Каманды змогуць падаць больш за адзін праект.

Бяспека:
Усе ўдзельнікі(-цы) пройдуць верыфікацыю. Падчас варкшопаў будуць дзейнічаць правілы Chatham House; фота-, відэа- і аўдыязапіс забароненыя.

Падача праз асобныя анлайн-формы:

• 1-2 жніўня – Вільнюс
  https://forms.gle/RSJQHYKkDBqiH8o49
• 7-8 жніўня – Варшава
  https://forms.gle/8WqLmo2apPMeUq6m8
• 22-23 жніўня – Берлін
  https://forms.gle/nCk62JAuaTga4L9U8