Villa Bloch x Cité internationale des arts — рэзідэнцыя для былых рэзідэнтаў(-ак) Cité
Cité internationale des arts разам з горадам Пуацье запрашае на рэзідэнцыі ў Villa Bloch тых, хто ўжо прайшоў праз Cité. Мэта — стварыць умовы для асаблівага досведу: сустрэчы мастака(-чкі) з публікай на пэўнай тэрыторыі. Кожны год праграма прымае двух мастакоў(-чак).
Для каго:
Франкамоўныя мастакі(-чкі) сцэнічных мастацтваў — драматургі(-ні), рэжысёры(-кі), харэографы(-кі), кампазітары(-кі), артысты(-кі) цырка і перформансу, якія:
- Ужо былі або зараз знаходзяцца ў рэзідэнцыі Cité internationale des arts у Парыжы — гэта абавязковая ўмова;
- Гавораць і пішуць па-французску;
- Гатовыя працаваць з рознай публікай.
Фармат:
Рэзідэнцыя на 3 або 6 месяцаў у адным з двух перыядаў:
- 4 студзеня – 2 ліпеня 2027 года;
- 30 жніўня 2027 – 29 лютага 2028 года.
Што прапануецца:
- Стыпендыя 1250 EUR брута/месяц;
- Бясплатнае пражыванне ў Villa Bloch з месцам для працы — толькі для самога мастака(-чкі), без сям'і;
- Дарога Парыж – Пуацье і назад за кошт Cité;
- Праязны на гарадскі транспарт і магчымасць узяць электраровар са зніжкай.
Дарога да Парыжа не пакрываецца.
Што чакаецца ад удзельнікаў(-ц):
Праца з публікай — публічныя сустрэчы і адукацыйныя варкшопы — да 30% усяго часу рэзідэнцыі.
Для заяўкі патрэбныя:
- Запоўненая і падпісаная форма заяўкі;
- Матывацыйны ліст — з выбарам 3 або 6 месяцаў і дакладнымі датамі;
- Апісанне праекта: даследаванне, творчае развіццё і праца з публікай;
- Актуальнае CV;
- Партфоліа — адным PDF з вашым імем у назве файла.
Дэдлайн: 30 кастрычніка 2026 года. Вынікі — не пазней за снежань 2026 года.
Дакументы трэба даслаць на villa.bloch@poitiers.fr. Форма заяўкі і ўмовы — на старонцы open call.