Для каго:

Куратары(-кі) на раннім этапе кар'еры, а таксама мастакі(-чкі), якія цікавяцца куратарствам і стварэннем выставаў.

Падавацца могуць людзі з усяго свету, але замежныя заяўнікі(-цы) павінны мець права працаваць у ЗША. VisArts не афармляе візы і не дапамагае з імі.

Што прапануецца:

• Бюджэт 10 000 USD ≈ 8600 EUR на выдаткі на выставу і куратарскі ганарар;
• Падтрымка каманды VisArts з друкам, прасоўваннем і публічнай праграмай выставы;
• Ментарская падтрымка цягам года;
• Практычны досвед працы ў некамерцыйным арт-цэнтры.

Што чакаецца ад удзельнікаў(-ц):

Цягам года куратарская каманда:

• Праводзіць куратарскае даследаванне;
• Распрацоўвае канцэпцыю выставы;
• Піша тэксты для каталога, друкаваных і анлайн-матэрыялаў;
• Складае бюджэт выставы і яе праграмы;
• Камунікуе з мастакамі(-чкамі) і ўстановамі, якія даюць працы, рыхтуе дамовы і дакументы для пазык;
• Распрацоўвае адукацыйную і публічную праграму для аўдыторыі ўсіх узростаў;
• Пры патрэбе шукае спонсараў і дадатковае фінансаванне;
• Курыруе дызайн экспазіцыі і мантаж;
• Рыхтуе прэс-рэлізы, тэксты для сайта і сацыяльных сетак.

Таксама каманда распрацоўвае інструменты для публічных праграм, якія спрыяюць узаемадзеянню і ўключэнню публікі.

Фармат:

Праграма доўжыцца са студзеня 2027 па студзень 2028 года ў VisArts (Раквіл, Мэрыленд, ЗША). Падрабязны графік пакуль не вызначаны.

Для заяўкі патрэбныя:

• Форма заяўкі;
• CV;
• Матэрыялы пра ранейшыя куратарскія праекты: да 10 выяваў, да 5 хвілін відэа або аўдыя, спіс выяваў (імя творцы, назва, год, тэхніка, апісанне) і дадатковыя PDF;
• Тэкст з адказамі на пытанні: чаму выстава ў некамерцыйным арт-цэнтры з ментаркай вам падыходзіць; чаго вы хочаце дасягнуць; якія вашыя куратарскія інтарэсы; як вы ўзбагаціце досвед гледачоў(-ак); як будзеце працаваць з супольнасцю; якія праграмы варта спалучаць з выставамі.

Гатовая канцэпцыя выставы не патрэбная: арганізатары хочуць зразумець вашыя інтарэсы і погляды. Фармальную прапанову вы распрацуеце разам з ментаркай і галерэйным аддзелам.

Таймлайн:

• 8 студзеня 2027 года — паведамленне фіналістам(-кам);
• 13–15 студзеня 2027 года — інтэрв'ю з фіналістамі(-камі);
• 20 студзеня 2027 года — абвяшчэнне куратара(-кі) праграмы;
• 27 жніўня – 10 кастрычніка 2027 года — выстава ментаркі;
• 15 кастрычніка 2027 – 9 студзеня 2028 года — выстава куратара(-кі).

Арганізатар: VisArts (Rockville, Maryland). Праграму падтрымлівае Windgate Foundation.