Для каго: фатографы і фатографкі з Арменіі, Азербайджана, Беларусі, Грузіі, Малдовы і Украіны. Ад кожнай краіны абяруць па 2 фатографы(-кі).

Падавацца можна, калі вы:

• Маеце базавыя навыкі ручной фатаграфіі і ўпэўнена працуеце з ручнымі наладамі камеры — дыяфрагмай, вытрымкай і ISO;
• Ужо зрабілі хаця б адзін завершаны фотапраект — серыю, заданне або асабісты праект;
• Маеце дастатковы ўзровень англійскай, каб удзельнічаць у прафесійнай размове, задаваць пытанні і атрымліваць крытычны фідбэк;
• Маеце доступ да камеры з ручным кіраваннем, успышкі з сінхранізатарам і стойкі для святла — уласных, пазычаных або арандаваных;
• Гатовыя самастойна фатаграфаваць паміж сесіямі і своечасова здаваць заданні;
• Адкрытыя да эксперыментаў, ментарства і абмеркавання незавершанай працы.

Фатаграфічная адукацыя або прафесійная кар’ера не абавязковыя, але патрэбная практыка, на якой можна будаваць далейшую працу.

Тэма праграмы:

Агульная тэма — прастора і месца: як культурныя прасторы адлюстроўваюць сацыяльныя, культурныя і палітычныя рэаліі рэгіёна і ўзаемадзейнічаюць з імі.

Удзельнікі(-цы) будуць дакументаваць уплыў праектаў, падтрыманыя дацкімі партнёрамі ў рэгіёне, і даследаваць, як месцы і прасторы фармуюць наш досвед, супольнасці і спосабы бачання.

Ментар: Martin Thaulow — дацкі фатограф і візуальны мастак, заснавальнік Good People ApS. Ён працуе з партрэтам, візуальнай журналістыкай і публічнымі выставамі пра дэмакратыю, грамадзянскую супольнасць і чалавечыя гісторыі. Сярод яго праектаў з Danish Cultural Institute — Armenia — Landscapes of Memories.

Што будзе ў праграме:

• 12 анлайн-сесій;
• Індывідуальныя ментарскія сустрэчы паводле патрэбаў удзельнікаў(-ц);
• Самастойная палявая праца;
• Практыка партрэта і працы са святлом;
• Этычная праца з уразлівымі людзьмі і супольнасцямі;
• Інтэрв’ю і антрапалагічны падыход да дакументавання;
• Структураванне і ўпарадкаванне візуальнага матэрыялу;
• Абмен фідбэкам паміж удзельнікамі(-цамі).

Кожны модуль будзе мець канкрэтнае вузкае заданне.

Прапануецца:

• Фінансавая падтрымка ў форме аднаразовай выплаты для палявой працы;
• Супольная публікацая.

Арганізатары пазначаюць, што ўдзельнікі і ўдзельніцы будуць мець shared usage rights на фота разам з Danish Cultural Institute. Таксама абяцаецца належнае пазначэнне аўтарства пры будучым выкарыстанні або згадванні здымкаў.

Мова: усе сесіі, ментарства і фідбэк будуць праходзіць па-англійску, без перакладу.

Даты праграмы: сярэдзіна верасня — канец лістапада 2026.

Інфасесія: 9 верасня, 17:30–19:30 CEST, анлайн. Рэгістрацыя на інфасесію

Дэдлайн: 15 верасня, 23:59 CEST.

Арганізатары: Danish Cultural Institute, ICON×, Good People ApS і IZOLYATSIA Foundation. Праграма падтрымліваецца New Democracy Fund.