Для каго:

Рэжысёры(-кі) і прадусары(-кі) з Польшчы, Украіны, Беларусі і Грузіі, якія працуюць над дакументальнымі фільмамі пра сацыяльныя тэмы і правы чалавека.

• Прымаюцца кароткаметражныя, сярэднеметражныя і поўнаметражныя праекты;
• Праект павінен быць на этапе прасунутага дэвелапменту, вытворчасці або постпрадакшну;
• Польскі(-ая) прадусар(-ка) не патрабуецца;
• Досвед міжнароднай вытворчасці таксама не абавязковы;
• Падаць праект можа рэжысёр(-ка) або прадусар(-ка) асобна ці абодва разам. Калі падае прадусар(-ка), патрэбная згода рэжысёра(-кі);
• Праект можа развіваць як прыватная асоба, так і прадусарская кампанія;
• Падыходзяць і незалежныя праекты, і міжнародныя капрадукцыі;
• Можна падаваць праекты, якія ўжо прэзентаваліся на іншых індустрыйных падзеях;
• Адзін чалавек можа падаць некалькі праектаў, але арганізатары могуць абмежаваць колькасць адабраных.

Фармат:

• Пітчынг пройдзе 11 снежня 2026 года ў Варшаве, падчас фестывалю (4–13 снежня 2026 года);
• Дакладнае месца і расклад адабраныя ўдзельнікі(-цы) атрымаюць асобным лістом;
• Час на прэзентацыю і колькасць праектаў паведамяць перад падзеяй;
• Матэрыялы для прэзентацыі трэба падрыхтаваць на англійскай мове або з англійскімі субцітрамі. Арганізатары могуць дапамагчы з перакладам — у аб'ёме, які ўдакладняць перад падзеяй.

Што прапануецца:

• Прэзентацыя праекта перад прадстаўнікамі(-цамі) кінаіндустрыі;
• Дзве ўзнагароды: WATCH DOCS Industry Development Award (15 000 PLN) — для праекта на этапе дэвелапменту, WATCH DOCS Industry Main Award (20 000 PLN) — для праекта на этапе вытворчасці або постпрадакшну. Абедзве сумы пазначаныя брута;
• Бясплатны ўдзел у пітчынгу, а таксама ў паказах і суправаджальных падзеях фестывалю;
• Удзельнікам(-цам) не з Варшавы арганізатары паводле магчымасцяў забяспечаць пражыванне і кампенсацыю дарогі — падрабязныя ўмовы паведамяць адабраным;
• Пра магчымыя дадатковыя ўзнагароды і адзнакі паведамяць перад пачаткам пітчынгу.

Прэзентацыя праекта павінна ўключаць:

• Знаёмства з камандай;
• Тэму і герояў(-інь) фільма;
• Мастацкую канцэпцыю;
• Цяперашні этап праекта;
• Бюджэт і фінансаванне;
• Вытворчыя і фінансавыя патрэбы;
• Від супрацы, які вы шукаеце;
• Візуальны або — пажадана — аўдыявізуальны матэрыял.

Пераможцы(-чкі) абавязуюцца згадваць узнагароду ў фінальных цітрах фільма (тэкст і лагатыпы), а атрымальнікі(-цы) Development Award — таксама ў пачатковых цітрах. Дэталі вызначыць дамова з арганізатарамі, на падставе якой выплачваюцца грошы.

Для заяўкі патрэбныя:

• Назва праекта;
• Імя і прозвішча рэжысёра(-кі), а таксама прадусара(-кі), калі ён ці яна ёсць;
• Кантактныя даныя;
• Краіна паходжання аўтара(-кі);
• Логлайн і сінопсіс;
• Планаваны хранаметраж;
• Планаваны агульны бюджэт, звесткі пра ўжо атрыманае фінансаванне і фінансавы план або фінансаванне, якое вы шукаеце;
• Партнёры праекта, калі ёсць;
• Цяперашні этап праекта;
• Спасылка на аўдыявізуальныя матэрыялы, а калі іх няма — на візуальныя (мудборд, фатаграфіі);
• Біяграфія і фільмаграфія рэжысёра(-кі) і прадусара(-кі).

Па жаданні можна дадаць апісанне праекта і яго тэмы, рэжысёрскую заяву (director's statement) і прадусарскую заяву (producer's statement).

Дэдлайн: 30 кастрычніка 2026 года. Пра вынікі адбору паведамяць да 12 лістапада 2026 года.

Падаючы праект, вы згаджаецеся з рэгламентам пітчынгу (PDF, па-польску).

Арганізатар: Helsinki Foundation for Human Rights (Helsińska Fundacja Praw Człowieka) у межах фестывалю WATCH DOCS. Фестываль сафінансуюць, сярод іншых, Creative Europe MEDIA, Polski Instytut Sztuki Filmowej і горад Варшава.