Для каго:

Людзі ад 18 гадоў, якія могуць удзяліць фестывалю не менш за 10 гадзін і будуць у Варшаве падчас фестывалю.

Калі і дзе: 4–13 снежня 2026 года, Варшава: кінатэатры Kinoteka, Muranów і KINOMUZEUM пры Muzeum Sztuki Nowoczesnej. Частка праграмы ідзе анлайн на MOJEeKINO.pl

Што прапануецца:

• Удзел у арганізацыі вялікай культурнай падзеі;
• Знаёмства з дакументалістамі(-камі) і людзьмі з падобнымі інтарэсамі;
• Магчымасць прайсці студэнцкую практыку ў межах валанцёрства;
• Даведка аб валанцёрстве;
• Страхоўка ад няшчасных выпадкаў (NNW);
• Пісьмовае пагадненне аб валанцёрстве;
• Паводле анонса фестывалю ў Instagram — уваходы на фільмы і зніжкі на ежу і напоі ў кінатэатрах.

Што чакаецца ад валанцёраў(-рак):

• Не менш за 10 гадзін працы падчас фестывалю;
• Камунікатыўная англійская — асабліва калі хочаце дапамагаць замежным гасцям;
• Адказнае стаўленне да даручаных задач.

Задачы размяркоўваюць з улікам досведу, навыкаў, пажаданняў і вольнага часу:

• Кіназалы — праверка квіткоў, глядацкі конкурс, парадак у зале, сувязь з персаналам кінатэатра, анонсы паказаў і дапамога гледачам і глядачкам;
• Інфапункты — выдача пропускаў і акрэдытацый, у тым ліку журналістам(-кам), інфармацыя пра праграму, раздача промаматэрыялаў і дапамога з усталяваннем стэндаў;
• Апека над гасцямі — сустрэча ў аэрапорце (транспарт забяспечваюць арганізатары), суправаджэнне аднаго з гасцей цягам усяго фестывалю, моўная і лагістычная дапамога;
• Фота і відэа — фотасправаздачы, здымка і мантаж відэа і сторыс, графіка для камунікацыі фестывалю.

Для заяўкі патрэбныя:

• Запоўненая анлайн-форма;
• Для фота, відэа або графікі — спасылка на свае працы (Instagram, партфоліа) у пытанні пра досвед;
• Калі хочаце аформіць студэнцкую практыку, пазначце гэта ў каментары ўнізе формы.

Вынікі адбору дашлюць на электронную пошту 13 лістапада 2026 года.

Кантакт: wolontariat@watchdocs.pl

Арганізатар: Helsinki Foundation for Human Rights (Helsińska Fundacja Praw Człowieka).