Wave Farm — рэзідэнцыі і стыпендыі ў галіне transmission art і радыёмастацтва
Wave Farm — арганізацыя ў штаце Нью-Ёрк, якая развівае transmission art і мае ўласную радыёстанцыю WGXC 90.7-FM. У 2027 годзе праз адкрыты набор адбяруць да 6 удзельнікаў(-ц) у чатыры праграмы. Усе рэзідэнты(-кі) і стыпендыяты(-кі) змогуць папрацаваць з Wave Farm Radio: WGXC 90.7-FM.
Для каго:
Мастакі(-чкі), даследчыкі(-цы) і эксперыментатары(-кі), якія працуюць з перадачай сігналу, радыё і гукам.
- Студэнты(-кі) дзённай формы не могуць падавацца — за выключэннем мастакоў(-чак) і пісьменнікаў(-ц) з кар'ерай, якія вярнуліся ў магістратуру ці аспірантуру (разглядаецца асобна);
- DJ-сэты не падыходзяць;
- Былыя рэзідэнты(-кі) і стыпендыяты(-кі) могуць падавацца зноў;
- Асабліва чакаюць заявак ад жанчын, гендарна неканформных людзей і людзей не белага колеру скуры.
Што прапануецца:
- Transmission Art Residency — 10 дзён на стварэнне новай працы ў жанры transmission art; ганарар 1000 USD ≈ 890 EUR, пражыванне, працоўная прастора, бібліятэка і дапамога каманды;
- Spatial Sound Residency — 10 дзён на праект для прасторавага гуку; ганарар 1000 USD ≈ 890 EUR, пражыванне, 8-канальная студыя, падтрымка інжынера(-кі) і бібліятэка;
- Radio Art Fellowship: Research — 2 месяцы: даследаванне і адбор радыётвораў для архіва Wave Farm Broadcast Radio Art Archive; стыпендыя 2000 USD ≈ 1780 EUR;
- Radio Art Fellowship: Community Engagement — 2 месяцы: распрацоўка і правядзенне публічнага варкшопа пра тэхналогіі і ідэі радыё; стыпендыя 2000 USD ≈ 1780 EUR.
Стыпендыі пачынаюцца з 10-дзённага візіту ў Wave Farm (пражыванне пакрываецца) з поўным доступам да бібліятэк, далей праца ідзе дыстанцыйна з кансультацыямі ментараў(-ак).
Што чакаецца ад удзельнікаў(-ц):
- Рэзідэнты(-кі) — новая праца ў жанры transmission art або праект для прасторавага гуку;
- Стыпендыяты(-кі) — папаўненне радыёархіва або публічны варкшоп.
Для заяўкі патрэбныя:
Заяўка праз анлайн-форму. У ёй трэба пераканаўча абгрунтаваць праект і паказаць значны досвед працы з перадачай сігналу — або здольнасць рэалізаваць прапанаваны праект. Дакладны пералік матэрыялаў — у форме.
Фіналістаў(-ак) запросяць на інтэрв'ю ў Zoom, вынікі — у канцы лютага 2027 года. Заяўкі разглядае камісія з мастакоў(-чак), інжынераў(-рак), былых рэзідэнтаў(-ак), ментараў(-ак) і каманды Wave Farm.
Кантакт: info@wavefarm.org, +1 518 622 2598
Важна:
- Дарогу і харчаванне ўдзельнікі(-цы) аплачваюць самі. Wave Farm можа арганізаваць трансфер з бліжэйшых транспартных вузлоў, а частку ганарару або стыпендыі — па сітуацыі — выплаціць загадзя, каб пакрыць дарогу;
- Пра візавую падтрымку ў апісанні не пазначана, таму варта ўдакладніць у арганізатараў.