Для каго: мастакі(-чкі), якія працуюць у сферах сучаснай культуры, у тым ліку:

• Візуальнае мастацтва;
• Перформанс;
• Харэаграфія і танец;
• Музыка і гукавое мастацтва;
• Архітэктура;
• Кіно;
• Міждысцыплінарныя практыкі.

Літаратурныя праекты не прымаюцца.

Тыпы рэзідэнцый:

• Канцэптуальная рэзідэнцыя — праца над праектам або яго часткай без абавязку завяршыць ці паказаць фінальны вынік;
• Вытворчая рэзідэнцыя — праца над праектам, якая завяршаецца мастацкай падзеяй.

Калі: 2027 год. Працягласць рэзідэнцыі — ад 4 да 8 тыдняў.

Асабліва цікавяць праекты, якія:

• Даследуюць зменлівыя рэальнасці жыцця і пытанні будучыні;
• Закранаюць кліматычны і міграцыйны крызісы, вайну ва Украіне, сацыяльныя або палітычныя тэмы;
• Натхняюцца кантэкстам Замка, яго гісторыяй і архітэктурай;
• Улічваюць даступнасць і ўдзел розных груп аўдыторыі.

Прапануецца:

• Пражыванне ў кватэры ў былой імператарскай рэзідэнцыі;
• Студыя;
• Ганарар 6000 PLN брута ў месяц;
• Вытворчы бюджэт 5000–15 000 PLN брута;
• Куратарская падтрымка;
• Прасоўванне рэзідэнцыі і праекта.

Чакаецца ад удзельнікаў(-ц):

Для канцэптуальнай рэзідэнцыі — сустрэчы з публікай мінімум раз на два тыдні: лекцыя, прэзентацыя, artist talk, варкшоп або іншы фармат.

Для вытворчай рэзідэнцыі — сустрэчы з публікай мінімум раз на два тыдні і фінальная мастацкая падзея: выстава, канцэрт, кінапаказ або іншы фармат.

Для падачы патрэбны:

Заяўка павінна быць па-польску або па-англійску і складацца з 3 PDF-файлаў:

• APPLICATION — назва і кароткі сінопсіс праекта да 500 знакаў, матывацыйны ліст, разгорнутае апісанне праекта, інфармацыя пра сустрэчы з публікай і фінальную падзею, калі гэта вытворчая рэзідэнцыя, дэталёвы бюджэт 5000–15 000 PLN брута, прапанаваныя месяцы рэзідэнцыі;
• PORTFOLIO — партфоліа;
• DECLARATIONS — падпісаныя сканы дэкларацый пра аўтарскія правы, згоду на апрацоўку даных і прыняцце правілаў праграмы.