Для каго: мастацкія крытыкі(-ні), якія:

• Маюць мінімум 5 гадоў прафесійнага досведу ў сферы мастацкай крытыкі;
• З’яўляюцца актуальнымі сябрамі(-камі) AICA на момант падачы заяўкі;
• Жывуць па-за кантынентальнай Францыяй.

Калектыўныя заяўкі не прымаюцца.

AICA International і Cité internationale des arts супольна распрацавалі даследчую рэзідэнцыю для мастацкіх крытыкаў(-інь), якія працуюць і жывуць па-за Францыяй.

Праграма падтрымлівае даследчыя праекты ў сферы мастацкай крытыкі і дае магчымасць працаваць у прафесійным асяроддзі Cité internationale des arts, INHA і архіваў AICA у Archives de la Critique d’Art у Рэнэ.

Рэзідэнцыя таксама дапамагае наладзіць кантакты з французскай мастацкай, крытычнай і куратарскай сцэнай.

Што прапануецца:

• Студыя для працы і жыцця на пляцоўцы Cité internationale des arts у раёне Marais у Парыжы;
• Штомесячная стыпендыя 1000 EUR;
• Пакрыццё міжнароднага праезду туды і назад — да 1000 EUR;
• Доступ да прафесійных кантактаў і магчымасцей публічнай праграмы;
• Індывідуальная падтрымка з улікам даследчых інтарэсаў рэзідэнтаў(-ак).

Умовы пражывання:

Студыі маюць плошчу ад 20 да 35 м² і аб’ядноўваюць прастору для працы і штодзённага жыцця: працоўны пакой, кухню, ванны пакой і спальнае месца.

Студыя можа прыняць да 2 дарослых і 1 дзіцяці да 10 гадоў. За суправаджальных асобаў прадугледжаная дадатковая аплата.

Важна: прапанаваныя студыі пакуль не адпавядаюць актуальным стандартам даступнасці для людзей з інваліднасцю.

Адборачная камісія будзе звяртаць увагу на:

• Мастацкую якасць апублікаваных тэкстаў і прапанаванага даследчага праекта;
• Рэлевантнасць рэзідэнцыі ў Cité internationale des arts і Парыжы для гэтага праекта;
• Метадалогію працы;
• Ужо існыя кантакты, супрацоўніцтвы або партнёрствы, якія могуць падтрымаць доўгатэрміновае развіццё праекта.

Для падачы патрэбны:

• CV з кароткай біяграфічнай нататкай — максімум 4 старонкі;
• Апісанне даследчага праекта і тлумачэнне, чаму ён адпавядае праграме рэзідэнцыі;
• Падборка з 5 апублікаваных тэкстаў на англійскай або французскай мове.

Таймлайн:

• Прыём заявак — 2 ліпеня — 30 жніўня 2026 года;
• Абвяшчэнне вынікаў — кастрычнік 2026 года;
• Рэзідэнцыя — 2 красавіка — 28 чэрвеня 2027 года.