Для каго: міжнародныя мастакі(-чкі), якія працуюць з лічбавымі тэхналогіямі і новымі медыя — генератыўным штучным інтэлектам, адмысловымі сэнсарамі, блокчэйнам, праграмным забеспячэннем, гукам, відэа і гібрыднымі фізічна-лічбавымі практыкамі.

Падавацца могуць мастакі(-чкі), якія пражываюць па-за Ісландыяй, у краінах-удзельніцах Creative Europe або ў краінах, якія падпісалі адпаведныя пагадненні аб асацыяцыі.

У цэнтры рэзідэнцыі — не вытворчасць новай працы, а даследаванне пытанняў захавання: мастак(-чка) супрацоўнічае з рэстаўратарамі(-камі) і спецыялістамі па кансервацыі медыя-мастацтва, абмяркоўваючы канцэптуальныя, тэхнічныя і практычныя аспекты захавання ўласнай практыкі.

Калі: да 4 тыдняў у Рэйк'явіку, пачатак 2027 года; дакладныя даты ўзгадняюцца асобна.

Прапануецца:

• Пражыванне на ўвесь перыяд рэзідэнцыі;
• Працоўная прастора;
• Стыпендыя на дарогу і пражыванне;
• Ганарар мастака(-чкі);
• Сустрэчы з рэстаўратар(к)амі і спецыяліст(к)амі па захаванні медыя-мастацтва;
• Магчымы доступ да абсталявання і праграмнага забеспячэння ў залежнасці ад патрэб праекта і рэсурсаў устаноў.

Што чакаецца: адабраны(-ая) мастак(-чка) падрыхтуе публічны Open Lab — варкшоп або майстар-клас для мясцовай аўдыторыі, які прадставіць яго/яе мастацкія метады і даследаванне.

Для падачы патрэбны:

• Artistic statement;
• Матывацыйны ліст;
• Прапанова публічнага Open Lab (варкшопу або майстар-класа);
• Партфоліа;
• CV.

Арганізатар: Нацыянальная галерэя Ісландыі ў супрацоўніцтве з Mystetskyi Arsenal, Vasulka Kitchen Brno, Nasjonalmuseet і LI-MA, у межах праекта CUSP пры падтрымцы Creative Europe.