Для каго: PhD-даследчыкі(-цы) і даследчыкі(-цы) на раннім этапе кар’еры.

Таксама вітаюцца заяўкі ад даследчыкаў(-чыц) знутры і па-за акадэміяй, у тым ліку:

• Мастакоў(-чак);
• Дызайнераў(-ак);
• Куратараў(-ак);
• Практыкаў(-к), якія працуюць з лічбавай культурай, медыя, тэхналагічнымі інфраструктурамі і крытычнай тэорыяй.

Варкшоп цікавіцца працамі, якія даследуюць:

• «Цёмныя лясы» інтэрнэту і закрытыя формы анлайн-камунікацыі;
• Няіндэксаваныя, малыя і схаваныя лічбавыя прасторы;
• Інфраструктуры сервераў, кабеляў, энергіі і пратаколаў;
• Матэрыяльныя наступствы лічбавых сістэм: дата-цэнтры, цеплыню, ваду, затрымкі, нагрузку;
• Непразрыстасць і «маўчанне» AI-сістэм;
• Глітч, шум, машынныя і datafied-эстэтыкі;
• Крытыку датаізму і таго, што сёння прадаецца як штучны інтэлект;
• Гісторыі мастацкіх і тэхналагічных даследаванняў вылічальных інфраструктур за апошнія 30 гадоў і больш.

Арганізатары чакаюць спекулятыўныя, тэарэтычныя і практычныя прапановы, якія даследуюць магчымасць іншых форм камунікацыі, супольнасці і тэхналагічнай уяўнасці.

Што чакаецца ад удзельнікаў(-ц):

• Удзел у анлайн-падрыхтоўчай сустрэчы 26 кастрычніка 2026 года;
• Падрыхтоўка даследчага эсэ на 1000 слоў да 10 лістапада 2026 года;
• Анлайн-абмен ідэямі да 23 лістапада 2026 года;
• Удзел у вочным варкшопе ў Орхусе падчас (Re)Imagine AI Futures festival 24–26 лістапада 2026 года;
• Удзел у transmediale 2027 у Берліне 28–31 студзеня 2027 года.

Для PhD-студэнтаў(-ак) поўны ўдзел дае 2 ECTS ад Aarhus University.

Магчымасць публікацыі:

Удзельнікі(-цы) могуць развіць свой кароткі ўнёсак у большы артыкул да 5000 слоў для рэцэнзавання і магчымай публікацыі ў APRJA.

Папярэдні дэдлайн для поўнага тэксту — 5 красавіка 2027 года.

Дарогу і пражыванне ўдзельнікі(-цы) або, пажадана, іх інстытуцыі павінны пакрыць самастойна.

Для падачы трэба падрыхтаваць:

• Біяграфію — да 100 слоў;
• Апісанне цяперашняга даследчага праекта — да 100 слоў;
• Апісанне планаванага ўнёску / абстракт і яго рэлевантнасць для воркшопа — да 200 слоў.