Для каго: беларускія жанчыны і квір-персоны, якія хочуць дзейнічаць у актывізме больш устойліва і беражліва да сябе і іншых.

Праграма можа падысці, калі вы:

• Хочаце пачаць шлях у актывізме, але пакуль не ведаеце, з чаго пачаць;
• Ужо валанцёрыце, але хочаце працаваць у актывісцкіх праектах або запусціць свой;
• Ужо маеце досвед у актывізме і хочаце рэалізаваць уласныя ідэі.

Пра праграму

Будзеце жыць у доме ў гарах, хадзіць у паходы, вучыцца і шукаць адказы на пытанні:

• Што мне сапраўды цікава ў актывізме?
• Што я хачу змяняць вакол сябе?
• Якія ў мяне ёсць моцныя бакі і рэсурсы?
• Як дзейнічаць устойліва і не выгарэць праз некалькі месяцаў?

Што будзе ў праграме:

• Групавыя практыкі;
• Размовы пра каштоўнасці і матывацыю;
• Даследаванне ўласных інтарэсаў;
• Праца з мэтамі;
• Пошук свайго спосабу дзейнічаць у свеце;
• Паходы ў гарах і праца з унутранымі бар’ерамі праз новы досвед.

Пасля афлайн-трэнінгу праграма не заканчваецца: цягам 3 месяцаў вас будзе суправаджаць ментарская падтрымка, каб ідэі маглі перайсці ў дзеянне.

У выніку зможаце:

• Лепш зразумець, якое месца хочаце займаць у актывізме;
• Сфармуляваць ідэю праекта або наступны крок у сваёй дзейнасці;
• Атрымаць інструменты ўстойлівага актывізму і самападтрымкі;
• Знайсці супольнасць людзей з падобнымі каштоўнасцямі;
• Атрымаць падтрымку ў рэалізацыі сваіх ідэй.

Важна пра фармат:

Спецыяльная спартыўная падрыхтоўка не патрэбная, але патрэбна гатоўнасць да пешых прагулак у гарах.

Арганізатаркі будуць уважлівымі, але горы могуць быць непрадказальнымі: магчымыя дождж, змена маршруту, пераходы праз ручаі і больш крутыя пад’ёмы. Варта сумленна ацаніць свае сілы.

Арганізатаркі пакрываюць:

• Дарогу;
• Пражыванне;
• Харчаванне;
• Усю адукацыйную праграму.

Для ўезду ў Грузію з беларускім пашпартам віза не патрэбная.

Колькасць месцаў: 12.

Арганізатаркі:
Каманда «Действуй бережно» / @selfcare_act.