Для каго: маладыя беларусы і беларускі ў эміграцыі, якія цікавяцца еўрапейскімі праграмамі мабільнасці, валанцёрствам, навучаннем і развіццём.

Сустрэча можа быць карыснай, калі вы:

• Хочаце падацца на European Solidarity Corps, але не ведаеце, з чаго пачаць;
• Шукаеце рэальны досвед адбору і ўдзелу;
• Хочаце зразумець, як выглядае доўгатэрміновае валанцёрства знутры.

Што абмяркуюць:

• Як знайсці свой ESC-праект;
• Як праходзіць сумоўе;
• Колькі часу можа заняць адбор;
• Што адбываецца пасля адбору;
• Што такое sending organization і навошта яна патрэбная;
• Якія дакументы патрэбныя для дамовы;
• Як выглядае жыццё падчас валанцёрства: жыллё, кішэнныя грошы, выходныя і адпачынак;
• Чым валанцёры(-кі) займаюцца на практыцы.

Падчас сустрэчы можна будзе задаць свае пытанні спікерцы.

Працягласць: 1 гадзіна.

Важна: БНМС «РАДА» прызнаная ў Беларусі «экстрэмісцкім фармаваннем». Улічвайце гэта пры рэгістрацыі і ацэньвайце свае асабістыя рызыкі.

Пра кампанію:

Сустрэча праходзіць у межах кампаніі On the Move, якая дапамагае маладым беларусам і беларускам у эміграцыі знаходзіць і выкарыстоўваць еўрапейскія магчымасці для валанцёрства, навучання і развіцця.

Усю інфармацыю кампаніі можна шукаць па тэгу belarusiansonthemove.

Кампанія On the Move фінансуецца Еўрапейскім саюзам.