Для каго: беларускія грамадзяне і грамадзянкі, незалежна ад актуальнага месца пражывання.

Праграма падыходзіць спецыялістам(-кам) сярэдняга этапу кар’еры, якія маюць досвед лідарства, грамадскай працы і хочуць развіваць прафесійныя веды ў ЗША.

Патрабаванні:

• Беларускае грамадзянства;
• Першая вышэйшая адукацыя;
• Мінімум 5 гадоў поўнага прафесійнага досведу;
• Пацверджаныя лідарскія якасці і досвед грамадскай працы;
• Валоданне англійскай мовай;
• Абмежаваны папярэдні досвед у ЗША;
• 2 рэкамендацыі, адна з іх — ад цяперашняга(-й) кіраўніка(-цы).

Праграма не вядзе да атрымання магістарскай або іншай акадэмічнай ступені. Пасля завяршэння ўдзельнікі(-цы) атрымліваюць сертыфікат ад урада ЗША.

Праграма спалучае:

• Курсы на ўзроўні магістратуры;
• Незалежнае навучанне паводле прафесійных інтарэсаў;
• Прафесійнае развіццё;
• Абмен досведам з амерыканскімі калегамі і калежанкамі;
• Пабудову доўгатэрміновых прафесійных сувязяў.

Напрамкі 2027–2028:

• Камунікацыі і журналістыка;
• Права і кіраванне;
• Палітыка ў сферы прыродных рэсурсаў;
• Публічная і эканамічная палітыка;
• Палітыка і кіраванне ў сферы грамадскага здароўя;
• Палітыка і кіраванне ў сферы тэхналогій.

Пакрываецца:

• Міжнародны праезд;
• Навучанне і ўніверсітэцкія зборы;
• Медыцынскае страхаванне на выпадак хваробы або няшчаснага выпадку;
• Штомесячная падтрымка на жыццёвыя выдаткі;
• Сродкі на кнігі і прафесійныя актыўнасці;
• Візавая падтрымка для членаў сям’і, якія суправаджаюць удзельніка(-цу).

Важна: праграма не пакрывае фінансавую падтрымку для членаў сям’і, якія едуць разам з удзельнікам(-цай).

Адбор:

Кандыдатаў(-ак) адбірае Public Diplomacy Section Амбасады ЗША ў Беларусі пры падтрымцы American Councils for International Education. Кандыдатаў(-ак), якія пройдуць у кароткі спіс, запросяць на інтэрв’ю.

Арганізатары: Hubert H. Humphrey Fellowship Program, U.S. Government, American Councils Belarus.