https://professionals.idfa.nl/training-funding/training/idfacademy/

Title — BE
IDFAcademy — трэнінг для дакументалістаў(-ак) у Амстэрдаме

Subtitle — BE
Інтэнсіўная праграма для рэжысёраў(-ак) і прадзюсараў(-ак), якія працуюць над сваім першым або другім поўнаметражным дакументальным фільмам.

Slug
idfacademy-documentary-filmmakers-training-amsterdam-2026

Excerpt — BE
IDFAcademy запрашае маладых міжнародных дакументалістаў(-ак) і прадзюсараў(-ак) на чатырохдзённую праграму падчас IDFA ў Амстэрдаме. Удзельнікі(-цы) змогуць наведаць размовы з вядомымі рэжысёрамі(-камі), дыскусіі, кейс-стады і сустрэчы з прафесіяналамі(-камі) індустрыі.

Content — BE

Для каго:
Рэжысёры(-кі) і прадзюсары(-кі), якія працуюць над сваім першым або другім поўнаметражным дакументальным фільмам.

Удзельнікі(-цы) павінны ўжо мець пацверджаны досвед і прызнанне на нацыянальным узроўні і быць зацікаўленымі ў развіцці міжнароднай кар’еры.

Не могуць падавацца:

• Студэнты(-кі) кінашкол і кінапраграм;
• Тыя, хто ўжо ўдзельнічаў(-ла) у IDFAcademy падчас IDFA.

Дакументалісты(-кі), якія робяць PhD, могуць падавацца.

Пра праграму:
IDFAcademy — гэта інтэнсіўная чатырохдзённая праграма падчас International Documentary Film Festival Amsterdam. Яна не сфакусаваная на распрацоўцы канкрэтнага праекта, але ўдзельнікам(-цам) раяць мець праект у развіцці або нядаўна завершаны фільм, каб адразу прымяняць атрыманыя парады да сваёй працы.

У праграме:

• Размовы з вядомымі дакументалістамі(-камі) і прафесіяналамі(-камі) індустрыі;
• Круглыя сталы і групавыя сесіі;
• Кейс-стады пра міжнародны дакументальны рынак;
• Абмеркаванне актуальных тэндэнцый у дакументалістыцы;
• Штодзённыя нефармальныя сустрэчы для нетворкінгу.

Калі і дзе:
12–15 лістапада 2026 года
Амстэрдам, Нідэрланды.

Праграма праходзіць падчас IDFA 2026.

Колькасць месцаў:
Каля 100 удзельнікаў(-ц) з усяго свету.

Кошт удзелу:
Падача бясплатная.

Калі вас адбяруць, кошт IDFAcademy pass — 250 еўра без 9% VAT. Праезд і пражыванне не пакрываюцца.

Удзельнікі(-цы), якія жывуць і працуюць у некаторых краінах са спісу IDFA, могуць прэтэндаваць на вызваленне ад аплаты ўдзелу.

Для падачы патрэбны:

• Кароткі прафесійны профіль;
• Фільмаграфія, у тым ліку work-in-progress, калі ёсць;
• Матывацыя ўдзелу;
• 1–2 пытанні, выклікі або напрамкі развіцця, над якімі хочаце працаваць падчас праграмы;
• Відэа да 2 хвілін на англійскай мове пра тое, які досвед і перспектыву вы можаце прынесці ў міжнародную групу;
• Спасылка на аўдыявізуальныя матэрыялы з бягучага або папярэдняга праекта — на англійскай мове або з англійскімі субтытрамі.

Дадаткова можна дадаць:

• Назву, апісанне і стадыю бягучага праекта;
• Рэкамендацыйны(-я) ліст(-ы).

Дэдлайн:
1 жніўня 2026 года

Вынікі:
Арганізатары паведамяць вынікі на пачатку кастрычніка.

Падача:
Праз анлайн-форму IDFA.

Арганізатар:
International Documentary Film Festival Amsterdam / IDFA.