Канадскі арт-цэнтр Eastern Edge адкрыў прыём заявак на самастойныя студыйныя рэзідэнцыі для мастакоў. Праграма дае час і прастору для развіцця творчых праектаў у крэатыўным хабе на ўзбярэжжы вострава Ньюфаўндленд.

Арганізатары забяспечваюць удзельнікам кругласутачны доступ да адкрытай студыі, дзе кожнаму выдзяляецца асобная працоўная зона. Рэзідэнцыя разлічана на індывідуальную працу, даследаванні і эксперыменты.

Умовы для мастакоў:

• Ганарар у памеры 1 874 канадскіх долараў (CAD).
• Ганарар за правядзенне артыст-току або варкшопа ў памеры 335 CAD.
• Кампенсацыя выдаткаў на дарогу і пражыванне ў памеры да 600 CAD для іншагародніх і замежных удзельнікаў.
• Дапамога з суправаджальнымі лістамі для атрымання дадатковага фінансавання.

Падаць заяўку могуць мясцовыя і міжнародныя мастакі, калектывы і куратары. Для ўдзелу неабходна даслаць біяграфію, мастацкую канцэпцыю (Artist Statement), план праекта для рэзідэнцыі, CV, партфоліа і пазначыць жаданыя даты (працягласць ад 4 да 8 тыдняў).