Nicosia Ludic Lab — мастацкая лабараторыя, дзе кампазітары(-кі) будуць распрацоўваць новыя творы ў цеснай працы з прафесійным ансамблем.

У фокусе — «гульня» як спосаб ствараць музыку:

• Праца з цацкамі, цацачнымі інструментамі і паўсядзённымі прадметамі;
• Перанос правілаў, абмежаванняў і логікі гульняў у кампазіцыйную структуру.

Для каго: кампазітары(-кі) і кампазітары(-кі)-даследчыкі(-цы), якія працуюць з эксперыментальнай сучаснай музыкай і ансамблевымі практыкамі. Падавацца могуць толькі індывідуальныя аўтары(-кі), якія жывуць у адной з краін Creative Europe.

Кожны твор павінен:

• Доўжыцца ад 7 да 10 хвілін;
• Быць напісаны для поўнага ансамбля з 4–5 выканаўцаў;
• Не ўключаць электроніку або fixed media.

У інструментарыі ансамбля: кларнет / бас-кларнет, флейта / трамбон, нізкія медныя духавыя, фартэпіяна / сінтэзатар, перкусія, а таксама цацкі і прадметы — цацачнае фартэпіяна, музычныя шкатулкі, boomwhackers, паветраныя шары і іншыя гукавыя крыніцы.

Фармат працы:

• 1 этап, 1–5 дні: эксперыменты з ансамблем і распрацоўка першых эскізаў;
• 2 этап, 6–23 дні: дапрацоўка матэрыялу, ментарскія сустрэчы і праца з выканаўцамі;
• 3 этап, 24–31 дні: фінальныя рэпетыцыі і падрыхтоўка канцэртнай версіі твора.

Прапануецца:

• Пакрыццё дарогі, пражывання і штодзённых выдаткаў;
• Сумеснае пражыванне ў цэнтры Нікасіі;
• Пастаянны доступ да прафесійнага ансамбля;
• Ментарскія і індывідуальныя сустрэчы з выканаўцамі;
• Коучынг з кампазітарам і дырыжорам Andys Skordis;
• Рэпетыцыйная прастора і вытворчая падтрымка;
• Аўдыё- і відэазапіс фінальнага канцэрта.