https://performeurope.eu/open-call/

Title — BE
Perform Europe — гранты да 60 000 EUR для міжнародных тураў у сцэнічных мастацтвах

Excerpt — BE
Perform Europe адкрыў прыём заявак на гранты для міжнародных партнёрстваў у сцэнічных мастацтвах. Праграма падтрымлівае туры і паказы ўжо гатовых прац у мінімум 3 краінах Creative Europe з фокусам на інклюзію, разнастайнасць і барацьбу са зменамі клімату.

Content — BE

Для каго:
Арганізацыі і прафесіяналы(-кі), якія працуюць у сцэнічных мастацтвах і юрыдычна базуюцца ў краінах праграмы Creative Europe.

Падавацца могуць партнёрствы ў сферах:

• Тэатр;
• Танец;
• Перформанс;
• Цырк;
• Мастацтва ў адкрытай прасторы;
• Лялечны тэатр;
• Міждысцыплінарныя сцэнічныя практыкі.

Жывая музыка і опера не прымаюцца.

Заяўку падае партнёрства, у якім павінна быць:

• Мінімум 3 партнёры;
• Мінімум 3 розныя краіны Creative Europe;
• Адзін прызначаны галоўны партнёр;
• Мінімум адна ўжо гатовая сцэнічная праца;
• Паказы гэтай працы мінімум у 3 розных краінах Creative Europe.

Важна: Perform Europe не пакрывае стварэнне новых пастановак з нуля. Праца павінна быць ужо гатовая або мець мастацкую канцэпцыю, якую можна адаптаваць і паказваць у розных кантэкстах.

Мэта — пераасэнсаваць, як адбываюцца міжнародныя туры і паказы, каб яны былі:

• Больш справядлівымі;
• Больш экалагічнымі;
• Больш інклюзіўнымі;
• Больш адкрытымі для розных рэгіёнаў і супольнасцяў.

Прыярытэты:
Кожная заяўка павінна працаваць з двума прыярытэтамі:

• Інклюзія і разнастайнасць;
• Барацьба са зменамі клімату.

Адзін з іх трэба выбраць як галоўны, але другі таксама павінен быць улічаны ў праекце.

Асабліва заахвочваюцца партнёрствы з недастаткова прадстаўленых рэгіёнаў і супольнасцяў.

Памеры грантаў:

• 15 000 EUR — малы грант;
• 25 000 EUR — сярэдні грант;
• 55 000 EUR — вялікі грант.

Таксама можна запытаць дадатковую падтрымку да 5000 EUR на патрэбы, звязаныя з экалагічнасцю і даступнасцю.

Максімальная сума падтрымкі з улікам дадатковай падтрымкі — 60 000 EUR.

5% агульнага бюджэту будзе выдзелена на праекты з украінскімі партнёрамі або на падтрымку ўкраінскага сектара сцэнічных мастацтваў.

Што можа пакрываць грант:

• Ганарары і зарплаты;
• Каардынацыю, адміністраванне і справаздачнасць;
• Дарогу, пражыванне і сутачныя;
• Перавозку абсталявання;
• Субтытры і пераклад;
• Аўтарскія правы;
• Камунікацыю;
• Арэнду пляцоўкі або абсталявання;
• Даступнасць для аўдыторыі і ўдзельнікаў(-ц);
• Экалагічныя рашэнні;
• Варкшопы, майстар-класы і іншыя дадатковыя падзеі;
• Развіццё кампетэнцый партнёраў.

Кожная заяўка павінна закласці мінімум 1,5% запытанага гранта на развіццё кампетэнцый партнёраў.

Дадатковая падтрымка можа быць на:

• Экалагічную мабільнасць;
• Даступнасць для аўдыторыі;
• Даступнасць для ўдзельнікаў(-ц) праекта;
• Візы;
• Падтрымку ўдзельнікаў(-ц) з дзецьмі;
• Падарожжы з аддаленых тэрыторый і заморскіх рэгіёнаў.

Геаграфія:
Падавацца могуць партнёры, якія жывуць або базуюцца ў краінах Creative Europe. Важна: eligibility вызначаецца краінай рэзідэнцыі, а не грамадзянствам.

Беларусь і Вялікабрытанія не ўваходзяць у спіс дапушчальных краін.

Для падачы патрэбны:

• Спіс усіх партнёраў;
• Падпісаная дамова аб супрацы паміж усімі партнёрамі;
• Апісанне прапановы, мэтаў, прыярытэтаў і таймлайну;
• Апісанне сцэнічнай працы, якая будзе паказвацца міжнародна;
• Інфармацыя пра дадатковыя падзеі: варкшопы, публічныя размовы і інш.;
• Спіс месцаў, дат і краін паказаў;
• Апісанне справядлівых умоў працы;
• План развіцця кампетэнцый;
• Камунікацыйная стратэгія;
• Дэталёвы бюджэт у шаблоне Perform Europe.

• 22 кастрычніка 2026, 23:59 CEST — дэдлайн;
• Студзень 2027 — абвяшчэнне адабраных партнёрстваў;
• 1 сакавіка 2027 — пачатак праектаў;
• 31 студзеня 2028 — завяршэнне праектаў.

Дэдлайн:
22 кастрычніка 2026 года, 23:59 CEST

Для пошуку партнёраў можна выкарыстоўваць Matchmaking Platform на сайце Perform Europe.

Кантакт:
[info@performeurope.eu](mailto:info@performeurope.eu)

Арганізатар:
Perform Europe.