Адкрыты прыём заявак на праграму стыпендый імя Х’юберта Хамфры (Hubert H. Humphrey Fellowship Program) на 2027–2028 акадэмічны год. Гэта гадавая праграма для спецыялістаў сярэдняга звяна, якая прапануе навучанне без атрымання ступені і прафесійнае развіццё ў адным з вядучых універсітэтаў ЗША.

Праграма разлічана на прафесіяналаў, якія дэманструюць лідэрскія якасці і прыхільнасць да грамадскай службы. Сярод прыярытэтных кірункаў: камунікацыі і журналістыка, права і кіраванне, экалогія і прыродныя рэсурсы, грамадская і эканамічная палітыка, ахова здароўя, а таксама тэхналогіі.

Патрабаванні да кандыдатаў:

• беларускае грамадзянства (месца пражывання не мае значэння);
• вышэйшая адукацыя;
• не менш за 5 гадоў поўнага прафесійнага досведу;
• валоданне англійскай мовай;
• абмежаваны папярэдні досвед знаходжання ў ЗША;
• дзве рэкамендацыі (адна з іх — ад цяперашняга кіраўніка).

Стыпендыя цалкам пакрывае выдаткі на міжнародныя пералёты, навучанне ва ўніверсітэце, медыцынскую страхоўку, а таксама прадугледжвае штомесячную стыпендыю на пражыванне, фінансаванне кніг і прафесійнай дзейнасці. Праграма аказвае візавую падтрымку для членаў сям'і, але не пакрывае іх выдаткі.