Для каго:

Мастакі(-чкі) ад 18 гадоў любой нацыянальнасці, якія працуюць у візуальных мастацтвах. Можна падавацца індывідуальна або калектывам.

Трэба мець прафесійную мастацкую практыку і/або дыплом мастацкай школы, а таксама сталы досвед за апошнія пяць гадоў: некалькі выставаў (персанальных або групавых), публікацыі (манаграфіі, каталогі) або ўдзел у рэзідэнцыях.

Умовы:

• Праца павінна быць прысвечаная тэме вады;
• Дысцыпліны: жывапіс, малюнак, скульптура, інсталяцыя, фатаграфія, відэа, тэкстыль і іншыя формы візуальнага мастацтва;
• Кіно, сцэнічныя мастацтвы і музыка не прымаюцца;
• Жывапіс, малюнак, фатаграфію і відэа можна падаваць толькі як гатовую працу;
• Для скульптуры і інсталяцыі можна падаць гатовую працу або праект, які яшчэ трэба вырабіць, — тады да заяўкі дадаецца вытворчы бюджэт да 50 000 EUR;
• Праца павінна існаваць у адным экзэмпляры (можа складацца з некалькіх частак, напрыклад трыпціх). Для фатаграфіі і відэа ў некалькіх экзэмплярах узнагарода памяншаецца да 8000 EUR;
• Палотны алеем і малюнкі — не больш за 320 × 210 см за адну частку;
• Ад аднаго чалавека — адна праца або праект на год. Працу, якую ўжо падавалі, паўторна падаць нельга;
• Калі выява створаная з дапамогай штучнага інтэлекту, гэта трэба пазначыць у подпісе.

Што прапануецца:

• Па 15 000 EUR кожнаму з лаўрэатаў(-ак) за набыццё працы ў калекцыю фонду (8000 EUR за фота або відэа ў некалькіх экзэмплярах);
• Для праектаў скульптуры і інсталяцыі — вытворчы бюджэт да 50 000 EUR паводле каштарыса. Гэтыя грошы ідуць на вытворчасць (матэрыялы, працы падрадчыкаў, дастаўка, паездкі для кантролю вытворчасці);
• Удзел у групавой выставе ў мастацкім цэнтры фонду ў Wattwiller;
• Двухмоўны буклет;
• Фонд пакрывае транспартаванне і страхаванне прац для выставы.

Што чакаецца ад лаўрэатаў(-ак):

• Перадаць працу ў калекцыю фонду;
• Даставіць працу гатовай да экспанавання і за свой кошт забяспечыць усё для паказу: раму, пастамент, мацаванне, спецыяльную відэатэхніку і інш.

Для падачы патрэбныя:

• Рэгістрацыйная форма і падпісаныя правілы конкурсу (PDF);
• Копія пашпарта або ID-карткі (PDF);
• Рэзюмэ або прэзентацыя калектыву — да 2 старонак (PDF);
• Партфоліа — да 20 старонак A4 і да 30 МБ (PDF);
• Творчая заява пра працу або праект на тэму вады (каля 1 старонкі), кароткі тэкст пра працу для буклета (да 1000 знакаў) і кароткая біяграфія (да 500 знакаў) — усё ў адным PDF да 3 старонак;
• Тэхнічнае апісанне працы або праекта: назва, матэрыялы, тэхніка, памеры, вага, умовы мантажу, транспартавання і захавання — да 2 старонак (PDF);
• Для праектаў скульптуры і інсталяцыі — падрабязны вытворчы бюджэт да 50 000 EUR з каштарысамі (PDF);
• 3–5 каляровых выяваў (JPG, да 5 МБ кожная);
• Для відэапрац — урывак (MOV/MP4, да 4 ГБ).
• Для іншых прац відэа можна дадаць па жаданні.

Мова заяўкі — французская для франкамоўных удзельнікаў(-ц), для ўсіх астатніх — англійская.

Таймлайн:

• Снежань 2026 — люты 2027 года: экспертныя камісіі адбіраюць каля 30 фіналістаў(-ак);
• Сакавік 2027 года: абвяшчэнне фіналістаў(-ак);
• Вясна 2027 года: міжнароднае журы выбірае да 7 лаўрэатаў(-ак);
• Зіма 2028 года: выстава ў Wattwiller.

Як падавацца:

Праз анлайн-платформу фонду: індывідуальная заяўка або заяўка ад калектыву. Поўныя ўмовы — у афіцыйным дакуменце (PDF).

Кантакт: Léa Rosenfeld — l.rosenfeld@fondationfrancoisschneider.org

Арганізатар: Fondation François Schneider (Wattwiller, Францыя).