Для каго:
Мастакі(-чкі) і культурныя практыкі(-ні), якія легальна пражываюць у адной з краін Creative Europe, акрамя Італіі.

Праграма падыходзіць для аўтараў(-ак), якія працуюць з:

• Фатаграфіяй;
• Жывапісам;
• Ілюстрацыяй;
• Архітэктурай;
• Дызайнам;
• Іншымі візуальнымі і міждысцыплінарнымі практыкамі.

Папярэдні досвед у мастацкім друку не абавязковы. Важная цікавасць да друкаваных тэхнік, аўтэнтычнасці, месца і калектыўнага стварэння.

Беларусы(-кі) могуць падавацца, калі легальна пражываюць у краіне Creative Europe, якая не з’яўляецца Італіяй.

Пра рэзідэнцыю:
The Economics of Being Looked At — месячная мастацкая рэзідэнцыя ў Labó Bosa ў горадзе Bosa на Сардзініі.

Праграма пачынаецца з пытання: што сёння значыць аўтэнтычнасць — для месца і для мастака(-чкі)?

Bosa, як і многія невялікія гарады, адчувае ціск выглядаць так, як гэтага чакаюць наведнікі(-цы). Мастакі(-чкі) часта сутыкаюцца з падобным ціскам: ствараць тое, што лёгка пазнаецца, прадаецца і добра выглядае звонку. Рэзідэнцыя прапануе даследаваць гэтую напругу праз уласную практыку, назіранне за горадам і працу з мастацкім друкам.

Фармат:
5 удзельнікаў(-ц) з розных дысцыплін будуць жыць і працаваць разам 31 дзень.

Кожны(-ая) рэзідэнт(-ка) будзе развіваць уласную практыку, а таксама ўдзельнічаць у супольных сесіях пра:

• Аўтэнтычнасць;
• Візуальную мову;
• Эканоміку ўвагі;
• Месца і яго чаканы / нечаканы вобраз;
• Калектыўнае стварэнне.

Паралельна група распрацуе супольнае друкаванае выданне — працу, якая аб’яднае 5 індывідуальных візуальных жэстаў у адзін калектыўны вынік.

Рэзідэнцыя завершыцца адкрытай студыяй у галерэі Labó Bosa.

Што прапануецца:

• Прыватны пакой у супольнай кватэры ў гістарычным цэнтры Bosa;
• Доступ да студыі каля ракі, абсталяванай для шаўкаграфіі, рэльефнага друку, лічбавых і генератыўных практык;
• Ментарства ад спецыялістаў(-ак) у мастацтве, куратарстве і друкаваных тэхніках;
• Творчая зваротная сувязь;
• Знаёмствы з лакальнай супольнасцю;
• Падтрымка ў адаптацыі да жыцця на Сардзініі;
• Адкрытая студыя напрыканцы рэзідэнцыі;
• Магчымасць далейшай падтрымкі: Labó Bosa працягвае паказваць працы некаторых былых рэзідэнтаў(-ак).

Ментары(-кі):

• Marco Sebastianelli — заснавальнік і дырэктар Labó Bosa;
• Enya Daniela Idda — мастачка і арт-тэрапеўтка, будзе суправаджаць калектыўны працэс;
• Alberto Marci — друкар і выкладчык Accademia di Belle Arti di Sassari, адказвае за тэхнічны бок фінальнага выдання.

Фінансаванне:
Удзел бясплатны.

Culture Moves Europe пакрывае:

• Падтрымку на ўвесь перыяд — 930 EUR;
• Дарогу туды і назад;
• Магчымыя дадатковыя выплаты на green mobility, візу, сямейныя абставіны або патрэбы даступнасці.

Поўная прысутнасць цягам усіх 31 дзён абавязковая.

Для падачы патрэбны:
У анлайн-форме трэба будзе пазначыць:

• Асноўныя дадзеныя і краіну легальнага пражывання;
• Дысцыпліну;
• Кароткае апісанне мастацкай практыкі;
• Спасылку на партфоліа;
• Чаму вас цікавіць рэзідэнцыя;
• Досвед супольнага жыцця і калектыўнай працы;
• Першапачатковыя думкі пра тэму рэзідэнцыі.

Пасля адбору ўдзельнікаў(-ц) папросяць падаць дакументы, якія пацвярджаюць адпаведнасць патрабаванням Culture Moves Europe.

Калі:
1–31 сакавіка 2027 года

Дзе:
Labó Bosa
Bosa, Сардзінія, Італія

Вынікі:
Да 30 верасня 2026 года.

Праграма фінансуецца Еўрапейскім саюзам праз Culture Moves Europe.

https://labobosa.it/projects/economics-of-being-looked-at/

https://docs.google.com/forms/d/e/1FAIpQLSe4Blh4EjE7UDVtM6hREFEg0g54MSukTDcF7yfqYYxXkYdqNQ/viewform