Для каго: мастакі(-чкі), якія хочуць працаваць з:

• Друкам і графікай;
• Паперай і ручным вырабам паперы;
• Кніжным мастацтвам і пераплётам;
• Фатаграфіяй і цёмным пакоем;
• Эксперыментальнымі друкарскімі практыкамі;
• Супольнаснымі праектамі.

Падавацца могуць і мастакі(-чкі) з іншых сфер — напрыклад, новыя медыя, скульптура, гук, жывапіс — калі яны хочуць развіць праект з выкарыстаннем магчымасцяў TYPA.

Калі: студзень — снежань 2027 года. Працягласць рэзідэнцыі — 2–3 месяцы. Арганізатары заахвочваюць больш працяглыя заезды.

Удзельнікі(-цы) атрымаюць доступ да супольнай студыі і абсталявання TYPA, у тым ліку:

• Тэхнікі глыбокага, высокага і трафарэтнага друку;
• Друкарскія прэсы;
• Абсталяванне для цёмнага пакоя;
• Майстэрню для ручнога вырабу паперы;
• Абсталяванне для пераплёту;
• Калекцыю letterpress-машын і шрыфтоў.

Важна: letterpress даступны толькі для мастакоў(-чак), якія ўжо маюць досвед у гэтай тэхніцы.

Прапануецца:

• Працоўная прастора ў TYPA;
• Уводзіны ў патрэбнае абсталяванне;
• Тэхнічная падтрымка ад каманды музея;
• Пражыванне ў базавай кватэры ў цэнтры Тарту;
• Уключэнне ў творчую супольнасць горада;
• Падтрымка публічнага выніку: artist talk, выстава, open studio, варкшоп або іншы фармат.

Звычайна TYPA прымае 2 мастакоў(-чак) адначасова. Кожны(-ая) мае асобную кватэру ў тым самым будынку, але частка інфраструктуры можа быць супольнай.

Кошт і падтрымка:

• Стандартная рэзідэнцыя — 400 EUR у месяц;
• Удзельнікі(-цы) самастойна пакрываюць дарогу і спецыяльныя матэрыялы;
• Для мастакоў(-чак) з Украіны або тых, хто знаходзіцца ў фінансавай ці палітычнай уразлівасці, магчымы ўдзел без аплаты рэзідэнцыйнага ўнёску.

Чакаецца ад удзельнікаў(-ц):

• Адказная і бяспечная праца з абсталяваннем;
• Падтрыманне парадку ў супольных прасторах;
• Адзін публічны вынік падчас рэзідэнцыі: лекцыя, выстава, адкрытая студыя, варкшоп або іншы фармат;
• Гатоўнасць уключацца ў творчую супольнасць Тарту.

Для падачы патрэбны:

• Прапанова рэзідэнцыйнага праекта да 300 слоў;
• Апісанне публічнага выніку да 200 слоў;
• Апісанне таго, як рэзідэнцыя звязаная з вашай бягучай практыкай, да 200 слоў;
• CV;
• Невялікае партфоліа або спасылкі на папярэднія працы / сайт.

У форме таксама трэба пазначыць магчымыя месяцы рэзідэнцыі і паведаміць, ці падаецеся на дадатковую падтрымку.