Для каго: рэжысёры(-кі), прадзюсары(-кі), дыстрыб’ютары(-кі) і агенты(-кі) па продажах, якія прадстаўляюць дакументальныя фільмы або працы на мяжы дакументальнага кіно.

Фільмы павінны быць звязаныя з правамі чалавека, сацыяльнымі пытаннямі або грамадзянска важнымі тэмамі.

Якія фільмы прымаюцца:

• Дакументальныя фільмы і памежныя формы дакументальнага кіно;
• Фільмы, зробленыя пасля 1 студзеня 2025 года;
• Поўнаметражныя і кароткаметражныя працы без абмежавання па працягласці.

Важна: у галоўны конкурс WATCH DOCS Award могуць трапіць толькі фільмы працягласцю 50 хвілін і больш. Фільмы, якія ўжо паказваліся ў праграме WATCH DOCS, нельга падаваць паўторна.

Пра фестываль

WATCH DOCS. Human Rights in Film — адзін з найбуйнейшых у свеце кінафестываляў, прысвечаных правам чалавека, і найстарэйшы дакументальны кінафестываль у Варшаве.

26-е выданне фестывалю пройдзе ў Варшаве і анлайн па ўсёй Польшчы з 4 да 13 снежня 2026 года.

Штогод WATCH DOCS паказвае каля 60 дакументальных фільмаў, а фестывальныя паказы, анлайн-праграма, вандроўны фестываль і кінапракат збіраюць каля 80 000 гледачоў(-ак).

У праграме:

• Галоўны конкурс;
• Конкурс «Зялёны сабака» — для дакументальных фільмаў пра экалогію і правы чалавека;
• Конкурс новых польскіх фільмаў;
• Пазаконкурсныя секцыі;
• Рэтраспектывы;
• Дыскусіі;
• Майстар-класы і варкшопы;
• Іншыя падзеі.

Узнагароды:

• WATCH DOCS Award — 5000 EUR за найлепшы поўнаметражны дакументальны фільм у галоўным конкурсе;
• New Polish Film Competition Award — 5000 PLN за найлепшы польскі дакументальны фільм;
• Green Dog Award — 5000 PLN за найлепшы фільм у конкурсе пра экалогію і правы чалавека;
• Audience Award — прыз глядацкай сімпатыі без грашовай узнагароды;
• Marek Nowicki Prize — 5000 PLN за выбітныя дасягненні ў паказе правоў чалавека ў кіно.

Узнагароды могуць змяняцца.

Патрабаванні да падачы:

• Фільм трэба падаць праз FilmFreeway як анлайн-скрынер;
• Калі арыгінальная мова фільма не англійская і не польская, патрэбныя англійскія субтытры;
• Скрынер павінен быць даступны да 31 кастрычніка 2026 года.

Адабраныя фільмы таксама могуць быць разгледжаныя для Travelling Festival WATCH DOCS у 2027 годзе.