Працягваецца набор на стыпендыяльную праграму “Gaude Polonia” Міністэрства культуры і нацыянальнай спадчыны Польшчы на 2025 год.
На атрыманне стыпендыі могуць прэтэндаваць дзеячы культуры і творцы з Беларусі, Украіны і іншых краін Цэнтральнай і Усходняй Еўропы і постсавецкіх дзяржаў, занятыя ў наступных галінах:
- кіно (у тым ліку гісторыя кіно і кінакрытыка)
- выяўленчае мастацтва (у тым ліку фатаграфія і мастацкая крытыка)
- ахова культурнай спадчыны (у тым ліку захаванне твораў мастацтва і музейная справа)
- літаратура (у тым ліку пераклад)
- музыка (у тым ліку гісторыя і музычная крытыка)
- тэатр (у тым ліку тэатральная крытыка) і танцы.
Умовы ўдзелу ў конкурсе:
- грамадзянства Беларусі, Украіны і іншых дзяржаў Цэнтральнай і Усходняй Еўропы і постсавецкай прасторы
- узрост да 40 гадоў (у выключных выпадках да 45 гадоў)
- вышэйшая адукацыя
- досвед працы ў галіне, якую рэпрэзентуе заяўнік
- стыпендыяльны праект.
Заяўку неабходна падаць асабіста альбо даслаць па пошце.
Дэдлайн: 15 кастрычніка.
