Фільм “Пад шэрым небам”, заснаваны на гісторыі палітзняволенай журналісткі Кацярыны Андрэевай, прадставяць у галоўным конкурсе фестывалю ў Гдыні.

“Беларусь, 2020 год. Працягваюцца пратэсты пасля фальсіфікацыі Лукашэнкай прэзідэнцкіх выбараў. Антырэжымная журналістка Лена [імя змененае] вядзе трансляцыю жорсткага разгону мірнай дэманстрацыі. Паліцэйскі беспілотнік высочвае яе, але Лена працягвае рэпартаж, і яе арыштоўваюць. Яе муж Ілья робіць усё магчымае, каб выратаваць жонку, але ўлады поўныя рашучасці зламаць іх абодвух”, — так прадстаўляецца фільм Мары Тамковіч на сайце фестывалю.

Паказ “Пад шэрым небам” на фестывалі ў Гдыні адбудзецца ў некалькіх сеансах, пачынаючы з 23 верасня.