У пятніцу, 8 жніўня, у Беларускім Моладзевым Хабе адбудзецца паказ дакументальнага фільма “Выпадковая прэзідэнтка” (“The Accidental President”).

Фільм распавядае гісторыю Святланы Ціханоўскай. Дзякуючы доступу стваральнікаў стужкі да спадарыні Святланы і яе каманды, у фільме зафіксаваны шлях гераіні ад хатняй гаспадыні да лідаркі дэмакратычных сіл Беларусі.

Рэжысёры фільма Майк Лернер і Мартын Херынг так гавораць пра стужку і яе гераіню:

“Неверагодная адвага Святланы Ціханоўскай і тысяч звычайных беларусаў, якія не пагаджаюцца з тыраніяй, для нас усіх з’яўляецца прыкладам сілы асобы ў барацьбе за праўду і справядлівасць.”

Уваход вольны. Данаты вітаюцца.

Дата: 8 жніўня

Час: 19.30 (час мясцовы)

Месца: Беларускі Моладзевы Хаб, Dożynkowa, 6a, Варшава