Швейцарскі савет па культуры Pro Helvetia абвясціў прыём заявак на праграму Reflection. Ініцыятыва накіравана на падтрымку фарматаў медыяцыі (аналагавых, лічбавых або гібрыдных), якія выкарыстоўваюць інавацыйныя падыходы для стварэння новых прастор для калектыўнай і крытычнай рэфлексіі над мастацкай практыкай і культурнымі трансфармацыямі.

Да ўдзелу запрашаюцца калектывы ў складзе не менш за два чалавекі (мастакі, куратары, культурныя дзеячы, арт-педагогі). У выпадку міжнародных калабарацый не менш за 50% удзельнікаў павінны быць звязаны са швейцарскай культурнай сцэнай.

Праекты павінны быць накіраваны на стварэнне прастор для дыялогу, уключаць разнастайнасць галасоў і прапаноўваць публічныя фарматы (публікацыі, дыскусіі, інтэрактыўныя інсталяцыі і інш.).

Фінансавая падтрымка складае да 25 000 CHF (але не больш за 50% ад агульнага бюджэту праекта). Грант можа пакрываць ганарары арганізатараў, адміністрацыйныя выдаткі і камунікацыю.