Для каго:

• Музычныя калектывы і арганізатары(-кі) клубных падзей з усяго свету, якія працуюць з новымі гукамі, эксперыментальнымі фарматамі і супольнасцямі вакол начнога жыцця.
• Трэба быць ва ўзросце 18+ гадоў і жыць у дапушчальным рэгіёне. Заяўкі не прымаюцца з краін і тэрыторый, на якія распаўсюджваюцца санкцыйныя або экспартныя абмежаванні.

Club Nothing — ініцыятыва для падтрымкі калектываў, якія выкарыстоўваюць музыку і nightlife як прастору эксперыменту, супольнасці і культурнага зруху.

Шукаюцца нечаканыя, смелыя і выразныя ідэі: гэта можа быць клубная ноч, серыя падзей або фестываль — у горадзе, на прыродзе, у нестандартнай лакацыі, унутры або звонку. Можна падаваць як новую ідэю, так і падзею, якую вы ўжо плануеце.

Прапануецца:

• 10 000 USD кожнаму з 4 пераможцаў;
• Падтрымка ў камунікацыі і прасоўванні падзеі праз каналы Nothing;
• Магчымасць супрацы над невялікім мерчам для бясплатнай раздачы на падзеі;
• Nothing-прадукты для каманды, артыстаў(-ак) і дакументавання падзеі.

Грант трэба цалкам выкарыстаць на арганізацыю, вытворчасць і прасоўванне заяўленай падзеі.

Крытэрыі адбору:

• Інавацыйная крэатыўнасць;
• Rebellious sound / смелая музычная курацыя;
• Каштоўнасці супольнасці;
• Досвед арганізацыі падзей;
• Рэалістычнасць лагістыкі;
• Празрыстасць і разумнасць бюджэту;
• Адпаведнасць духу і каштоўнасцям Nothing.

Шорт-ліст з 6–8 фіналістаў(-ак) запросяць на інтэрв’ю, пасля чаго абяруць 4 пераможцаў.

Важна:

• Падзея павінна адбыцца паміж 1 верасня і 31 снежня 2026 года;
• Можна зрабіць адну падзею або серыю — гэта трэба выразна апісаць у заяўцы;
• Можна прадаваць квіткі;
• Можна рабіць падзею разам з партнёрамі, калі ўсе згодныя ўдзельнічаць у праграме;
• Не абавязкова мець пацверджаны DJ line-up на момант падачы, але варта паказаць музычны кірунак;
• Калі падзея адбываецца у нестандартнай лакацыі, трэба прадумаць дазволы і ліцэнзіі.

Пераможцы будуць супрацоўнічаць з камандай Nothing, інтэграваць Club Nothing-брэндынг у падзею, весці рэгулярныя check-in сустрэчы і падрыхтаваць фота- і відэадакументацыю.

Для падачы патрэбны:

• Запоўненая Typeform-заяўка;
• Інфармацыя пра вас або ваш калектыў;
• Досвед у музыцы і арганізацыі падзей;
• Кароткая pitch-прэзентацыя ў PDF пра падзею, якую вы хочаце зрабіць;
• Бюджэтны план.