→ Foundation DaST запрашае чатырох міжнародных мастакоў(-чак) у Торраў, рэгіён Алентэжу, на даследчую рэзідэнцыю, прысвечаную ландшафту, вуснай памяці, жывым традыцыям і будучыні сельскіх тэрыторый.

У цэнтры праграмы — гісторыя Фрыжэніі, 90-гадовай жыхаркі Торраў, якая не навучылася чытаць і пісаць, але захоўвае і перадае ў вершах досвед цэлага жыцця. Рэзідэнцыя прапануе працаваць з такой спадчынай праз слуханне, даследаванне і дыялог з супольнасцю — без прысваення яе досведу.

Для каго: мастакі(-чкі) з Еўропы. Прыярытэт надаецца прадстаўнікам(-цам) лузамоўнай дыяспары.

Шукаюць праекты ў галінах:

• міждысцыплінарнага мастацкага даследавання: мастацтва, антрапалогія, архівы, вусная гісторыя, мапаванне, палявыя даследаванні;
• лэнд-арту, малюнка ландшафту і фатаграфіі тэрыторыі;
• фатаграфіі, кіно, гукавога мастацтва і дакументальнага пісьма;
• літаратуры, тэатра, музыкі і перформансу.

Практыкі могуць звяртацца да экалогіі і ландшафту Торраў, мясцовых рамёстваў, сельскай памяці, вуснай паэзіі, досведу жанчын і супольных гісторый.

Праграма складаецца з трох этапаў:

• першыя 3 дні — знаёмства, прагулкі па мясцовасці, сустрэчы з супольнасцю і прэзентацыі праектаў;
• наступныя 39 дзён — развіццё праектаў з ментарскай падтрымкай;
• апошнія 3 дні — падрыхтоўка і публічная прэзентацыя вынікаў, open studios і сумесная размова з мясцовымі жыхарамі.

Прапануецца:

• дапамога на дарогу;
• штодзённая выплата;
• пражыванне;
• доступ да працоўных прастораў;
• ментарская падтрымка;
• магчымасць супрацоўнічаць з мясцовай супольнасцю.

Вынікамі рэзідэнцыі могуць стаць прывязаныя да месца працы, палявыя запісы, фатаграфічныя і гукавыя архівы, даследчыя нататкі, сумесныя праекты з жыхарамі, публічныя прэзентацыі і супольная публікацыя.

Калі: 6 кастрычніка — 19 лістапада 2026
Дзе: Торраў, Алентэжу, Партугалія
Колькасць месцаў: 4
Дэдлайн: 19 ліпеня 2026
Падача: праз форму арганізатараў

рэзідэнцыя мастацкаедаследаванне ландшафт вуснаягісторыя гукавое_мастацтва перформанс Партугалія CultureMovesEurope
https://www.instagram.com/p/DaNTUCCirDl/?img_index=1