Адкрыты набор на ўдзел у Most Wanted: Music Club Festival — шоўкейс-фестывалі, які праходзіць паралельна з адной з галоўных музычных індустрыйных канферэнцый Германіі.

За два дні клубы House of Music, Cassiopeia і Badehaus на легендарнай тэрыторыі RAW-Gelände ператвараюцца ў вялікую пляцоўку для адкрыцця новых імёнаў, сустрэч з індустрыяй і міжнароднага нэтворкінгу.

Арганізатары падкрэсліваюць: іх цікавяць не жанры, а яркая мастацкая ідэнтычнасць, моцныя live-шоў, арыгінальныя канцэпцыі і праекты, якія могуць зацікавіць міжнародную аўдыторыю.

Для каго:

• сольныя артысты;
• гурты;
• live acts;
• міжжанравыя і аўдыявізуальныя праекты;
• незалежныя музыкі (лэйбл і агент не патрэбныя).

Прапануюць:

• гарантаваны ганарар;
• кейтэрынг;
• поўны доступ да фестывалю і канферэнцыі;
• выступ перад міжнароднымі букінг-агентамі, лэйбламі, медыя і музычнымі прафесіяналамі.

Важна:

• Можна падаваць яшчэ не выдадзеную музыку праз прыватныя спасылкі
• Працягласць выступу — каля 30 хвілін
• Дарожныя выдаткі не пакрываюцца.