Пра гэта расказала сузаснавальніца культурна-адукацыйнай пляцоўкі Таццяна Макарэвіч.
«Я закрываю @mit_space. Гэтая фраза — мой страшны кашмар. Я жудасна баялася, што калі-небудзь давядзецца напісаць яе тут. Відаць, час прыйшоў.
Mit нарадзіўся з кахання. Да прыгажосці, мастацтва, людзей, для якіх яно з’яўляецца важным сэнсам у жыцці (нават калі яны пакуль у самым пачатку гэтага ўсведамлення). Мне вельмі хацелася, каб у Варшаве было такое месца, як Mit — прыгожае, незвычайнае, вытанчанае і хуліганскае адначасова. Месца, дзе рады гасцям, дораць ім цеплыню, прыняцце і радасць ад сустрэчы адзін з адным і з мастацтвам», — заявіла Таццяна.
За паўтара гады каманда зрабіла амаль 200 мерапрыемстваў на амаль 5000 гасцей.
Паводле яе слоў, прастора мае патрэбу ў мецэнаце:
«Цяпер Mit блізкі да закрыцця, як ніколі раней. Цяпер мы шукаем МЕЦЭНАТА на замену мне. Калі не знойдзем — ужо ў лютым 2026 Mit стане гісторыяй.
Што можаце зрабіць ВЫ, каб Mit працягнуў жыць далей?
- напішыце мне ў ЛС, калі жадаеце стаць нашым МЕЦЭНАТАМ
- Калі ў вас ёсць рэальныя ідэі доўгатэрміновага партнёрства ў нашым нясталым свеце — таксама пішыце!
- Падзяліцеся гэтым пастом. Так у нас больш шанцаў, што наш мецэнат або патэнцыйныя партнёры даведаюцца пра нас.
Падтрымка словам і справай вельмі патрэбная нам цяпер».
