Творчая прастора “Кропка” запрашае на выставу “Птушкі па-за палітыкай? Гісторыя барацьбы беларусаў за прыроду і дэмакратыю”.
“У беларускай культуры птушка — праваднік паміж рознымі ўзроўнямі рэчаіснасці, сімвал свабоды і непазбежнай змены часу. Адпаведна з гэтай сакральнай роляй, на нашай выставе яны стануць праваднікамі паміж супрацьлеглымі светамі: палітыкі і прыроды, дэмакратыі і дыктатуры,” — пішуць арганізатары.
Выстава складаецца з трох кампанентаў: інфармацыі, мастацтва і салідарнасці.
Інфармацыйныя стэнды апавядаюць пра Беларусь у кантэксце яе двух найвялікшых скарбаў: людзей і прыроды.
Фотакалажы знаёмяць наведвальнікаў з птушкамі ў беларускім палітычным асяроддзі.
Падчас мерапрыемства вы будзеце мець магчымасць сімвалічна адправіць птушку з прывітаннем беларускім экаактывіст:кам у зняволенні і тым самым падтрымаць іх.
Кошт: бясплатна.
Дзе: Вільнюс, Творчая прастора “Кропка”, Savičiaus g. 6.
Калі: 26 кастрычніка — 2 лістапада.
