Выстава Юліі Стратовіч "Steel and Water" у Варшаве

Падрабязнасці

By Рэдакцыя

Рэдакцыя

сакавіка 11

Праглядаў: 21

Галерэя Totuart запрашае на выставу Юліі Стратовіч "Steel and Water" — візуальнае даследаванне сутыкнення індустрыяльнага і прыроднага, трывалага і зменлівага, чалавека і яго следу ў гарадскім ландшафце.

Праект натхнёны партавымі пейзажамі Гданьска, дзе метал і вада не супрацьстаяць адно аднаму, а суіснуюць, ствараючы напружаны, але гарманічны дыялог. Праз жывапіс, інсталяцыі і элементы відэаарту мастачка запрашае гледача пераасэнсаваць межы паміж штучным і натуральным, застываннем і рухам, мінулым і сучаснасцю.

Выстава — гэта спроба зафіксаваць тэкстуры памяці, трансфармацыю прасторы і той нябачны след, які чалавек пакідае ў гарадскім асяроддзі.

Даты правядзення: 7 — 31 сакавіка, панядзелак — субота, 11:00 — 19:00.

Лакацыя: Варшава, Галерэя Totuart, plac Konesera 10 A.