Для каго:
Візуальныя мастакі(-чкі), аўтары(-кі), якія працуюць з лічбавым мастацтвам, пісьменнікі(-цы) і культурныя прафесіяналы(-кі).

Падавацца могуць людзі любой нацыянальнасці, якія:

• легальна жывуць у краіне Creative Europe, акрамя Славакіі;
• маюць 18 гадоў або больш;
• могуць быць у Кошыцэ ўсе 90 дзён — з 1 сакавіка да 29 траўня 2027 года;
• могуць працаваць па-англійску.

Нельга падавацца, калі вы:

• атрымліваеце фінансаванне на дарогу або пражыванне з іншай праграмы ЕС на тыя ж даты / той жа праект;
• працуеце ў Goethe-Institut, інстытуцыях ЕС або ў ацэначным пуле Culture Moves Europe;
• ужо былі адабраныя для Culture Moves Europe Residency Host project з 2025 года.

Ёсць два галоўныя фокусы:

• даследаваць — праводзіць мастацкае даследаванне, працаваць з тэмай або новым канцэптам;
• ствараць — развіваць творчы працэс, які прывядзе да новай працы.

Рэзідэнты(-кі) працуюць самастойна, але ў дыялогу з лакальным асяроддзем і камандай Kino Úsmev. Напрыканцы рэзідэнцыі адбудзецца публічная прэзентацыя — напрыклад, выстава, чытанне або дыскусія.

Рэзідэнцыя не прызначаная толькі для паказу ўжо гатовых работ і не можа быць часткай акадэмічнай ступені або паслядыпломнай кваліфікацыі.

Што прапануюць:

• прыватнае даступнае жыллё ў цэнтры Кошыцэ;
• асобны пакой, хуткі інтэрнэт, працоўнае месца і абсталяваная кухня;
• рабочую прастору ў Kino Úsmev, у тым ліку доступ да выставачных пакояў і тэхнічнага абсталявання;
• ментарскую падтрымку CINEFIL;
• прамацыйную падтрымку;
• дапамогу з вытворчасцю;
• знаёмствы з лакальнай культурнай сцэнай.

Фінансавыя ўмовы:
Рэзідэнцыя фінансуецца праз Culture Moves Europe.

Рэзідэнты(-кі) атрымліваюць:

• 30 EUR у дзень на харчаванне і лакальны транспарт;
• Дарожную падтрымку 400 EUR для паездак да 5 000 км або 800 EUR для паездак ад 5 000 км.

Магчымыя дадатковыя выплаты:

• 400 EUR за зялёную мабільнасць для паездак больш за 600 км без самалёта;
• 120 EUR на візу, калі яна патрэбная для ўезду ў Славакію;
• 200 EUR на кожнае дзіця да 18 гадоў;
• 175 EUR для жыхароў(-ак) eligible Overseas Country or Territory або Outermost Region;
• Падтрымка доступу для людзей з інваліднасцю або дадатковымі патрэбамі — пры наяўнасці дакументаў.

Страхоўка для падарожжаў і медыцынская страхоўка не ўваходзяць у падтрымку і застаюцца адказнасцю ўдзельнікаў(-ц).

Для заяўкі патрэбныя:
Заяўку трэба запоўніць па-англійску.

У форме трэба падаць:

• кароткую біяграфію да 100 словаў;
• CV на 1 старонку ў PDF;
• апісанне праекта да 500 словаў — што вы будзеце даследаваць і ствараць;
• партфоліа — PDF, відэа, выявы або спасылка на сайт, да 10 MB;
• пацверджанне легальнага пражывання, выдадзенае цягам апошніх 12 месяцаў;
• копію дакумента, які сведчыць асобу;
• пацверджанне, што вы даступныя на ўвесь перыяд 1 сакавіка — 29 траўня 2027 года;
• інфармацыю пра патрэбы доступу і дадатковыя выплаты, на якія вы плануеце падавацца.

Адбор:
Заяўкі ацэньвае камітэт незалежных культурных прафесіяналаў(-ак) і каманда арганізатараў.

Крытэрыі:

• мастацкая якасць;
• адпаведнасць мэтам «даследаваць і ствараць»;
• рэалістычнасць праекта ў межах 90 дзён у Kino Úsmev;
• патэнцыял абмену з лакальнай сцэнай.

Арганізатары таксама ўлічваюць разнастайнасць, гендарны баланс, геаграфію і дысцыпліны.

Дэдлайн: 27 верасня 2026 года, 23:59 CEST

Заяўкі ацэньваюцца па меры паступлення, таму лепш падавацца раней. Набор можа закрыцца раней, калі ўсе 4 месцы будуць запоўненыя.

Пра вынікі паведамяць да 29 верасня 2026 года.

Арганізатар: CINEFIL / Kino Úsmev.

Рэзідэнцыя падтрымліваецца Culture Moves Europe, праграмай мабільнасці, якая фінансуецца Creative Europe і рэалізуецца Goethe-Institut.