Для каго:

Творцы, якія працуюць на стыку дысцыплін, на любым этапе кар'еры. Сярод магчымых сфер:

• Візуальныя мастацтвы;
• Кіно;
• Фатаграфія;
• Кампазіцыя;
• Дызайн;
• Распрацоўка гульняў;
• Літаратура і іншыя творчыя практыкі.

Перавага аддаецца тым, чыя практыка звязаная з выявамі, міждысцыплінарнасцю, культурнай гісторыяй і можа перагукацца з калекцыямі Warburg. Месцы размяркоўваюць паміж творцамі на раннім этапе кар'еры і тымі, хто ўжо мае імя. Асабліва чакаюць заявак ад тых, каго за апошнія 10 гадоў не падтрымлівала лонданская культурная інстытуцыя і хто не быў з ёй звязаны.

Нельга падавацца тым, хто ўжо праходзіў доўгатэрміновы fellowship у Інстытуце.

Пра праграму:

Штогод Інстытут прымае трох творцаў — па адным на кожны акадэмічны тэрмін працягласцю 3–4 месяцы. Стыпендыятаў(-так) абіраюць як з адкрытага набору, так і з кандыдатаў(-так), якіх вылучае знешні камітэт — Curatorial Advisory Board. Мэта праграмы — злучыць погляд Warburg на культурную гісторыю з сучаснай культурай: стыпендыяты(-ткі) атрымліваюць час і рэсурсы, каб даследаваць і развіваць сваю практыку ў кантэксце калекцый, даследчай супольнасці і мастацкай праграмы Інстытута.

Што прапануецца:

• Ганарар 10 000 GBP ≈ 11 600 EUR;
• Магчымасць падаць заяўку на адну даследчую паездку — да 1 500 GBP ≈ 1 750 EUR;
• Бюджэт на матэрыялы і выдаткі — да 1 000 GBP ≈ 1 160 EUR;
• Працоўнае месца, электронная пошта Інстытута, доступ да калекцый і іншыя стандартныя магчымасці для стыпендыятаў(-к);
• Майстэрня — па індывідуальнай дамоўленасці.

У апісанні не пазначана, ці пакрываюцца дарога ў Лондан, пражыванне і візавыя выдаткі.

Што чакаецца ад удзельнікаў(-ц):

• Большую частку рэзідэнцыі знаходзіцца ў Warburg Institute;
• Наведваць рэгулярныя падзеі Інстытута — штотыднёвыя ланчы і сустрэчы work-in-progress — і сустракацца з тымі, хто падтрымлівае праграму;
• Рэгулярна сустракацца з выкладчыкамі(-цамі) і даследчай супольнасцю Warburg, у тым ліку з партнёрскімі інстытуцыямі, напрыклад Slade School of Fine Art;
• Напрыканцы рэзідэнцыі падрыхтаваць кароткую справаздачу і/або ўдзельнічаць у сесіі ацэнкі.

Для заяўкі патрэбныя:

• Ясна сфармуляваная прапанова: што вы плануеце ўнесці ў жыццё Інстытута і з якімі канкрэтнымі рэсурсамі Warburg Institute збіраецеся працаваць;
• Рэкамендацыя.

Дэдлайн: 13 лістапада 2026 года.

Як падавацца:

Праз SAS Fellowship Portal: зарэгіструйцеся на партале і абярыце праграму Assetto Fellowships for Creative Practitioners-in-Residence.

Пытанні пра праграму або заяўку можна задаць адміністрацыі партала: jade.chesterton@sas.ac.uk.

Арганізатар:

The Warburg Institute, School of Advanced Study, University of London.