Для каго:

Феміністычныя і квір-калектывы, artist-run ініцыятывы, нефармальныя групы, культурныя сеткі і самаарганізаваныя супольнасці. Калектыву не трэба быць юрыдычна зарэгістраваным або мець выставачны досвед. Падавацца могуць і новыя, і сталыя ініцыятывы.

Асабліва чакаюць заявак ад тых, хто працуе з інтэрсекцыянальнымі, міграцыйнымі, дыяспарнымі, дэкаланіяльнымі, антырасісцкімі, транс- і квір-практыкамі. Адзінага вызначэння фемінізму ад вас не чакаюць.

Сфера можа быць любой: візуальныя мастацтвы, перформанс, музыка і гук, выдавецтва, пісьмо, даследаванні, адукацыя, арганізацыя супольнасцяў, міждысцыплінарныя практыкі.

Асабліва рады калектывам, якія базуюцца ў Берліне або могуць арганізаваць удзел на месцы.

Фармат:

• Тры калектывы па чарзе займаюць Bardo Projektraum цягам сакавіка 2027 года — кожны прыкладна на 6–7 дзён;
• Прастора — каля 70 м² на першым паверсе: Jessnerstraße 33, 10247 Berlin;
• Ствараць новую працу або рабіць класічную выставу не абавязкова: гэта можа быць перфарматыўная лабараторыя, гукавая інсталяцыя, рабочая прастора, часовы архіў, чытальня, варкшопы, паказы, рэпетыцыі ці штосьці іншае;
• Кожны калектыў распрацоўвае праграму разам з камандай Karne Kunst і мае шырокую аўтаномію ў межах загадзя ўзгодненых умоваў;
• Агульная інфраструктура застаецца ў прасторы ўвесь месяц і звязвае ўсе тры перыяды;
• Месяц завершыцца агульнай сустрэчай, каб абмеркаваць досвед і межы сумеснага карыстання прасторай.

Што прапануецца:

• Прастора Bardo ва ўзгоднены перыяд;
• Мэбля і базавае тэхнічнае абсталяванне, якія ёсць на месцы;
• Каардынацыя і арганізацыйная падтрымка;
• Анонсы праз каналы Karne Kunst і Bardo;
• Знаёмства з іншымі калектывамі;
• Базавая дакументацыя — калі гэта дарэчы і абодва бакі пагодзяцца;
• Падтрымка асноўных вытворчых выдаткаў — у межах наяўных рэсурсаў;
• Ганарары за варкшопы і публічныя актывацыі — паводле ўзгодненай праграмы і калі ёсць фінансаванне.

Для заяўкі патрэбныя:

• Кароткі расповед пра калектыў;
• Апісанне таго, што вы хочаце рабіць у Bardo;
• Тлумачэнне, як прапанова звязаная з феміністычнымі і/або квір-практыкамі;
• Вытворчы бюджэт і прапанаваныя ганарары за варкшопы або актывацыі;
• Тэхнічныя патрэбы і патрэбы ў даступнасці;
• Прыклады папярэдніх работ — выявы, спасылкі або кароткае партфоліа (па жаданні).

Заяўку можна напісаць па-англійску, па-нямецку або па-іспанску. Падыходзіць і аўдыя- або відэазаяўка да 5 хвілін.

Таймлайн:

• Адбор — снежань 2026 года;
• Узгадненне рэсурсаў і пацверджанне ўдзелу — пачатак лютага 2027 года;
• Праграма — сакавік 2027 года.

Дэдлайн: 23 лістапада 2026 года.

Гэтую дату пазначаюць Instagram-пост Karne Kunst і таймлайн на старонцы open call (там памылкова стаіць 2027 год). Але ў шапцы старонкі і ў лістападаўскай рассылцы Karne Kunst дэдлайн — 8 студзеня 2027 года. Варта ўдакладніць, які з дэдлайнаў правільны.

Кантакт: info@karnekunst.com

Арганізатар: Karne Kunst gUG, куратарка праекта — Marcela Villanueva.

Важна:

• У прастору можна заехаць па пераносным пандусе. Туалеты гендарна-нейтральныя, але не прыстасаваныя для інваліднага вазка. Пра свае патрэбы ў даступнасці варта напісаць у заяўцы.