Для каго:

Арганізацыі з выдавецкай і кніжнай сферы — дзяржаўныя або прыватныя юрыдычныя асобы, зарэгістраваныя ў краінах — удзельніцах Creative Europe: краінах ЕС (разам з заморскімі краінамі і тэрыторыямі), асобных краінах ЕЭП і краінах, асацыяваных з праграмай.

• Падавацца можна адной арганізацыяй або кансорцыумам — мінімум з 2 арганізацый-бенефіцыяраў;
• Асобныя людзі падавацца не могуць — выключэнне толькі для індывідуальных прадпрымальнікаў(-ц), калі іх справа не мае асобнай юрыдычнай асобы;
• Міжнародныя арганізацыі могуць падавацца незалежна ад краіны.

Аўтары(-кі) твораў павінны быць звязаныя з краінай-удзельніцай грамадзянствам або месцам жыхарства (або іх творы павінны лічыцца часткай еўрапейскай літаратурнай спадчыны).

Прыярытэты:

• Пашырыць міжнародную цыркуляцыю і разнастайнасць еўрапейскай літаратуры праз пераклад, выданне, распаўсюд і прасоўванне — асабліва твораў з моваў, з якіх мала перакладаюць;
• Прасоўваць чытанне і моўную і культурную разнастайнасць еўрапейскай літаратуры сярод шырокай аўдыторыі, каб падтрыманыя кнігі было лягчэй знайсці;
• Падтрымліваць прафесію літаратурнага перакладчыка(-цы): добрыя ўмовы працы, справядлівая аплата і бачнасць;
• Умацоўваць кніжны сектар праз супрацу выдавецтваў, кнігарняў і бібліятэк.

Асабліва чакаюць праектаў, звязаных з Украінай: распаўсюд кніг з Украіны і ва Украіну, пераклады з украінскай і на ўкраінскую, кнігі на ўкраінскай мове для ўкраінскіх уцекачоў(-ак) і вымушаных перасяленцаў. Для гэтага можна перадрукоўваць ужо выдадзеныя ўкраінскія кнігі без перакладу.

Што можна перакладаць:

Раманы, апавяданні, п'есы і радыёп'есы, паэзію, літаратурны рэпартаж, коміксы, дзіцячую і падлеткавую літаратуру. Праект павінен уключаць не менш за 5 твораў.

Што прапануецца:

Грант ЕС у выглядзе фіксаванай сумы (lump sum), які пакрывае да 60% бюджэту праекта. Астатнія 40% арганізацыя мусіць пакрыць сама — уласнымі сродкамі, даходам ад праекта або іншым фінансаваннем. Агульны бюджэт конкурсу — 5 000 000 EUR.

Максімальны памер гранту залежыць ад колькасці перакладаў:

• Малы праект — не менш за 5 твораў, да 100 000 EUR;
• Сярэдні праект — не менш за 11 твораў, да 200 000 EUR;
• Вялікі праект — не менш за 21 твор, да 300 000 EUR (толькі для кансорцыумаў).

Адна арганізацыя можа атрымаць максімум 200 000 EUR, кансорцыум — 300 000 EUR.

Пасля падпісання дамовы звычайна выплачваюць аванс — каля 80% гранту. Прамежкавых выплат няма, рэшту пералічваюць пасля завяршэння праекта. Усе выплаты атрымлівае каардынатар кансорцыума.

З гранту можна фінансаваць пераклад, выданне, распаўсюд і прасоўванне кніг, а таксама супрацу паміж аўтарамі(-камі), перакладчыкамі(-цамі), выдавецтвамі, распаўсюднікамі, кнігарнямі, бібліятэкамі, літаратурнымі падзеямі і фестывалямі. Частку гранту можна размеркаваць праз уласны адкрыты конкурс для трэціх асоб — да 60 000 EUR на адну асобу.

Умовы:

• Машынны пераклад забаронены;
• Выдавецтвы павінны заключыць дамовы з прафесійнымі літаратурнымі перакладчыкамі(-цамі) і ўнесці даныя пра іх у Creative Europe Database;
• На ганарары перакладчыкам(-цам) рэкамендуецца закласці 20–30% бюджэту праекта (для раманаў);
• Імя перакладчыка(-цы) павінна быць добра бачным у кнізе, пажадана на вокладцы; мову арыгіналу таксама варта пазначыць;
• Выдаткі на набыццё правоў на пераклад і выданне не пакрываюцца;
• Праект звычайна доўжыцца да 36 месяцаў;
• Праекты, якія ўжо завершаныя, не разглядаюцца; падвойнае фінансаванне з бюджэту ЕС забаронена.

Што чакаецца ад удзельнікаў(-ц):

Праект трэба падзяліць на абавязковыя work packages (блокі працы):

• Кіраванне праектам — у тым ліку дамовы з перакладчыкамі(-цамі), пацвярджэнні аплаты і падпісаныя імі дэкларацыі;
• Пераклад — фінальныя тэксты кожнага перакладу;
• Выданне і распаўсюд — выдадзеныя кнігі ў лічбавым фармаце, фінальны спіс выданняў і біяграфіі перакладчыкаў(-ц) у кнігах;
• Прасоўванне і камунікацыя — справаздача пра прасоўванне кожнай кнігі і бачнасць падтрымкі ЕС;
• Падтрымка ўкраінскай літаратуры — толькі калі праект уключае перадрук украінскіх кніг.

Для заяўкі патрэбныя:

• Стандартная форма заяўкі (CREA CULTURE) — даступная ў сістэме падачы на партале;
• Тэхнічнае апісанне праекта (Part B) — не больш за 70 старонак;
• Падрабязная бюджэтная табліца (CREA LSII);
• Declaration on publications (CREA CULT LIT);
• Адміністрацыйныя даныя (Part A) і дадатковыя даныя пра праект (Part C) — запаўняюцца анлайн;
• CV каманды праекта і CV або біяграфіі перакладчыкаў(-ц);
• Спіс ключавых праектаў за апошнія 4 гады;
• Overview of translations — PDF з даных пра творы і пераклады, унесеных у Creative Europe Database (у сістэме кнопка называецца «Edit MEDIA DB»);
• Creative Dossier — PDF у вольнай форме: кароткі сінопсіс кожнага твора, асноўныя тэмы, карысныя спасылкі і прэзентацыя аўтараў(-ак), якая пацвярджае, што іх творы адпавядаюць умовам.

Заяўку можна падаць на любой афіцыйнай мове ЕС, але кароткае апісанне праекта абавязкова на англійскай; арганізатары раяць пісаць усю заяўку па-англійску. Калі ў падрыхтоўцы выкарыстоўваецца генератыўны ШІ, гэта трэба пазначыць у заяўцы.

Поўны пералік дакументаў — у дакуменце конкурсу на партале.

Крытэрыі ацэнкі:

• Адпаведнасць мэтам і прыярытэтам — 25 балаў (мінімум 13);
• Якасць зместу і дзейнасці, у тым ліку выдавецкая стратэгія і распаўсюд — 40 балаў (мінімум 20);
• Кіраванне праектам, у тым ліку справядлівая аплата перакладчыкаў(-ц) — 15 балаў (мінімум 8);
• Распаўсюд вынікаў і ўстойлівасць — 20 балаў (мінімум 10).

Каб атрымаць фінансаванне, трэба набраць не менш за 70 са 100 балаў.

Таймлайн:

• Ацэнка заявак — люты–травень 2027 года;
• Паведамленне вынікаў — ліпень 2027 года;
• Падпісанне пагаднення пра грант — кастрычнік 2027 года.

Як падавацца:

Праз EU Funding & Tenders Portal. Спачатку трэба стварыць акаўнт EU Login і зарэгістраваць арганізацыю ў Participant Register, каб атрымаць 9-значны код PIC. Код патрэбны кожнаму ўдзельніку кансорцыума. Пасля гэтага заяўку падаюць праз сістэму падачы на старонцы конкурсу. Да дэдлайну заяўку можна змяняць і падаваць нанова.

Кантакт:

Пытанні пра конкурс: EACEA-CREATIVE-EUROPE-TRANSLATIONS@ec.europa.eu (у лісце пазначце код CREA-CULT-2027-LIT). Тэхнічныя пытанні пра партал — праз IT Helpdesk.

Арганізатар: European Education and Culture Executive Agency (EACEA), праграма Creative Europe.