Для каго:

Выдавецтвы за межамі Нідэрландаў, якія выдаюць пераклад кнігі, напісанай па-нідэрландску або па-фрызску. Гранты таксама могуць атрымаць літаратурныя часопісы і лічбавыя выданні. Выдавецтва павінна забяспечыць добры распаўсюд і прасоўванне кнігі ў сваёй краіне.

Што прапануецца:

• Грант на пераклад — звычайна 80% ганарару паводле дамовы з перакладчыкам(-цай), астатнія 20% плаціць выдавецтва. Для кніг, якія фонд лічыць нідэрландскай класікай, — да 100% ганарару;
• Максімальная сума гранту — 10 000 EUR;
• Для паэзіі грант разлічваюць з ганарару да 3 EUR за радок (мінімум 50 EUR за верш);
• Дадатковы грант на вытворчасць паўнакаляровых ілюстраваных кніг для дзяцей і падлеткаў, графічных раманаў і паэзіі — да 2800 EUR для ілюстраваных выданняў і да 1400 EUR для паэзіі.

Сума залежыць ад стандартнай ставкі перакладу ў вашай краіне: для кожнай краіны або рэгіёна ёсць ліміт, і ўсё, што звыш яго, плаціць выдавецтва. Грошы выплачваюць выдавецтву пасля выхаду кнігі.

Умовы:

• Арыгінал выдадзены прызнаным нідэрландскім або фламандскім выдавецтвам;
• Ёсць дамова з нідэрландскім праваўладальнікам (калі твор не ў грамадскім набытку) і дамова з перакладчыкам(-цай);
• Фонд рэкамендуе працаваць з прафесійнымі літаратурнымі перакладчыкамі(-цамі). Калі перакладчыка(-цы) няма ў базе фонду, спачатку ацэньваюць якасць яго ці яе перакладаў;
• Кніга павінна выйсці цягам двух гадоў пасля ліста з пацверджаннем гранту;
• У кнізе трэба надрукаваць згадку пра падтрымку Dutch Foundation for Literature;
• Адно выдавецтва можа атрымаць падтрымку не больш чым на пяць назваў аднаго аўтара(-кі) ў адным жанры;
• У заяўцы трэба паведаміць пра іншыя гранты на тыя ж выдаткі — тады суму могуць паменшыць.

Што чакаецца ад выдавецтва:

• Даслаць фонду дармовыя асобнікі кнігі пасля выхаду;
• Пацвердзіць выплату ганарару перакладчыку(-цы) банкаўскай выпіскай.

Калі перакладчык(-ца) атрымаў(-ла) менш, чым пазначана ў дамове, грант прапарцыйна памяншаюць.

Бліжэйшы дэдлайн: 5 лістапада 2026 года.

Заяўка павінна трапіць у фонд не пазней чым за 5 месяцаў да выхаду кнігі; кнігі, выдадзеныя да пасяджэння, не разглядаюць. Рашэнне прымаюць цягам 22 тыдняў. У 2026 годзе фонд праводзіць шэсць раундаў; даты на 2027 год пакуль не апублікаваныя.

Як падавацца:

Праз анлайн-форму. Пасля яе запаўнення прыйдзе ліст-пацверджанне — патрэбныя дакументы трэба даслаць у адказ на яго. Падрабязнасці — у рэгламенце праграмы (PDF).

Кантакт: Jane Dinmohamed — j.dinmohamed@letterenfonds.nl.

Арганізатар: Dutch Foundation for Literature (Nederlands Letterenfonds).