Могуць падацца беларускія некамерцыйныя арганізацыі культурніцкага і крэатыўнага сектара ў выгнанні, якія працуюць у сферы літаратуры і выдавецкай справы.

Арганізацыя павінна:

– Быць юрыдычна зарэгістраванай у краіне ЕС або Усходняга партнёрства;
– Працаваць не менш за 2 гады;
– Або падавацца праз афіцыйна зарэгістраванага фінансавага партнёра;
– Мець досвед кіравання падобнымі праектамі і неабходныя рэсурсы для іх рэалізацыі.

Не могуць падавацца арганізацыі, зарэгістраваныя і заснаваныя ў Беларусі, дзяржаўныя беларускія арганізацыі і камерцыйныя структуры.

Фармат

Конкурс падтрымлівае стварэнне Living Lab — адкрытай крэатыўнай платформы, дзе прадстаўнікі(-цы) літаратурнага і выдавецкага сектараў сумесна вызначаюць праблемы, распрацоўваюць рашэнні і ствараюць дарожную мапу развіцця экасістэмы.

Платформа мусіць працаваць у гібрыдным фармаце — анлайн і афлайн — і аб’ядноўваць ад 3 да 10 арганізацый або асобных практыкаў(-ынь).

Прапануецца:

– Грант да 9 500 EUR на Stage I;
– Ментарская і экспертная падтрымка;
– Праграмы развіцця патэнцыялу;
– Магчымасці міжнароднага нетворкінгу і абмену досведам.

Пасля паспяховага завяршэння Stage I атрымальнік гранту можа быць запрошаны на Stage II — закрыты конкурс з фінансаваннем да 60 000 EUR для тэставання і рэалізацыі рашэнняў з дарожнай мапы.

Што трэба зрабіць у Stage I:

– Стварыць і запусціць Living Lab;
– Аб’яднаць прадстаўнікоў(-ц) сектара і іншых зацікаўленых бакоў;
– Правесці аналіз патрэбаў і магчымасцей экасістэмы;
– Наладзіць механізмы сумеснай працы і зваротнай сувязі;
– Распрацаваць дарожную мапу развіцця літаратурнай і выдавецкай экасістэмы;
– Падрыхтаваць план дзеянняў, маніторынгу і ўстойлівасці.

Асобныя падзеі, якія не спрыяюць стварэнню і працы платформы, а таксама праекты, скіраваныя толькі на патрэбы адной арганізацыі, не падтрымліваюцца.

Асноўныя даты:

• Рэалізацыя Stage I: кастрычнік 2026 года — люты 2027 года.
• Справаздачнасць: сакавік 2027 года.

Для падачы патрэбны:
– Анлайн-заяўка праз Goethe Application Portal;
– Апісанне Living Lab і падыходу да рэалізацыі;
– Спрошчаны бюджэт;
– CV асноўнай каманды;
– Дакумент аб юрыдычнай рэгістрацыі;
– Падпісаная self-declaration form / Annex A;
– Пацвярджэнне ад фінансавага партнёра, калі гэта актуальна.

Усе дакументы трэба падаць у PDF, а заяўку — на англійскай мове.

Заяўкі ацэньваюцца паводле крытэраў:

– Досведу і арганізацыйнай здольнасці заяўніка;
– Адпаведнасці мэтам конкурсу;
– Якасці і рэалістычнасці плана;
– Ролі ўдзельнікаў(-ц) Living Lab;
– Эфектыўнасці бюджэту;
– Уліку інклюзіі, гендарнай роўнасці і экалагічнай адказнасці;
– Патэнцыялу для доўгатэрміновай устойлівасці.

Тэрміны:

– Пытанні можна задаць да 9 ліпеня 2026 года, 23:59 CEST;
– Анлайн-інфармацыйная сесія: 9 ліпеня 2026 года, 15:00 CEST;
– Дэдлайн: 20 ліпеня 2026 года, 23:59 CEST;
– Паведамленне вынікаў і кантрактаванне: верасень 2026 года.

Кантакт: eu4culture@goethe.de