Для каго: аўтары(-кі), пісьменнікі(-цы), перакладчыкі(-цы) і іншыя практыкі(-ні), якія працуюць са словам і маюць літаратурны праект.

Можна падавацца індывідуальна або парай — напрыклад, аўтар(-ка) і перакладчык(-ца) або аўтар(-ка) і практык(-іня) з іншай сферы.

Абмежаванняў па ўзросце або грамадзянстве няма. Пачаткоўцы(-ніцы) таксама могуць падавацца.

Важна:

• Можна падаць толькі адну заяўку на год;
• Былыя рэзідэнты(-кі) не могуць падавацца паўторна;
• Рэзідэнцыю нельга дзяліць на некалькі асобных прыездаў;
• Фонд не можа прымаць сем’і, дзяцей або хатніх жывёл.

Рэзідэнцыя можа доўжыцца:

• 2 тыдні;
• 1 месяц;
• 2 месяцы;
• 3 месяцы.

Працягласць павінна адпавядаць маштабу праекта. У заяўцы можна пазначыць пажаданы перыяд, але фонд можа прапанаваць іншы варыянт у залежнасці ад даступнасці месцаў.

Што прапануецца:

• Асобны жылы модуль для працы і жыцця;
• Дарога ад месца жыхарства і назад;
• Штотыднёвая стыпендыя 400 CHF / ≈ 429 EUR;
• Сняданак і абед;
• Доступ да бібліятэкі фонду ў дзённы час;
• Магчымасць удзельнічаць у культурных падзеях фонду;
• Электравеласіпеды для рэзідэнтаў(-ак).

Для праектаў у пары кожнаму(-ай) выдзяляецца асобны жылы модуль.

Ёсць адзін жылы модуль, даступны для людзей з абмежаванай мабільнасцю. Пра такія патрэбы трэба пазначыць у форме заяўкі.

Заяўкі ацэньваюць паводле:

• Літаратурнай якасці праекта;
• Прафесійнага досведу кандыдата(-кі);
• Адпаведнасці запытанай працягласці рэзідэнцыі маштабу праекта.

Заяўкі пачаткоўцаў ацэньваюцца паводле якасці праекта і матывацыі.

Як падавацца:

Таймлайн:

• Прыём заявак — з 2 чэрвеня да 31 жніўня 2026 года;
• Дэдлайн — 31 жніўня 2026 года, 17:00 па швейцарскім часе;
• Абвяшчэнне вынікаў — снежань 2026 года;
• Першыя рэзідэнты(-кі) пачнуць прыязджаць з сярэдзіны студзеня 2027 года.