Рэзідэнцыя доўжыцца ад 2 да 6 месяцаў. Дакладны перыяд узгадняецца з арганізатарамі і залежыць ад даступнасці.

Падчас рэзідэнцыі трэба жыць і працаваць у самой Künstler*dorf Schöppingen.

Запрашаюцца:

• Візуальныя творцы;
• Пісьменнікі(-цы) і аўтары(-кі);
• Кампазітары(-кі);
• Мастацкія калектывы.

Падавацца могуць людзі ўсіх нацыянальнасцяў і ўзростаў.

Прапануецца:

• Стыпендыя 1500 EUR/месяц для індывідуальных творцаў;
• Для калектываў — 1000 EUR на чалавека, максімум 3000 EUR на калектыў;
• Магчымасць карыстацца прасторамі і інфраструктурай Künstler*dorf;
• Магчымасць арганізаваць выставу, прэзентацыю, лекцыю, чытанне, варкшоп або іншую падзею.

З сумы стыпендыі адлічваецца прыкладна 100–200 EUR на арэнду і эксплуатацыйныя выдаткі.

Дарога, страхоўка і матэрыялы пакрываюцца толькі ў выключных выпадках.

Важна:

• Гэта не production fellowship: няма абавязку паказваць фінальны вынік або прэзентаваць завершаную працу.
• Але ад удзельнікаў(-ц) чакаецца гатоўнасць да абмену, удзелу ў падзеях і супольным жыцці рэзідэнцыі.
• Пражыванне для партнёраў(-ак), сям’і або асістэнтаў(-ак) магчыма па ўзгадненні і пры наяўнасці месцаў. Калі ёсць фізічная, кагнітыўная або сэнсарная інваліднасць, арганізатары просяць звязацца з імі загадзя, каб абмеркаваць магчымыя бар’еры.

Крытэры адбору:

• Якасць папярэдняй працы;
• Якасць і рэалістычнасць праекта для Schöppingen;
• Магчымы ўнёсак у праграму, узаемадзеянне і community building.