Літаратурная майстэрня з тоні лашдэн
Майстэрня для тых, хто хоча пісаць пра сексуальнае задавальненне — па-за стэрэатыпамі, табу і гатовымі шаблонамі. Удзельнікі(-цы) будуць абмяркоўваць эротыку, эксперыментаваць з формамі і жанрамі пісьма пра секс, даследаваць уласны досвед і ствараць новыя тэксты ў падтрымліваючай, канфідэнцыйнай і спакойнай прасторы.
У фокусе:
- Гетэрасексуальнасць па-за патрыярхальнымі рамкамі;
- Квір-секс;
- Эротыка, нейраразнастайнасць і інваліднасць;
- Секс ва ўмовах капіталізму.
Калі: 1, 8, 15 і 22 жніўня, а таксама 19 кастрычніка, 12:00–14:00 CET.
Майстэрню вядзе тоні лашдэн — небінарн:ая пісьмен:ніца і фем-актывіст:ка, аўтар:ка кніг кароткай прозы «Последний автобус уходит в восемь», «чорны лес» і нядаўна апублікаванай «на углу Незалежнасці». У сваім пісьме тоні працуе з рэпрэсаванай сексуальнасцю і шукае спосабы эратычнага вызвалення. Пасля працоўных змен у дарк-румах тоні курыруе «Расцяжэнне» — супольнасць і архіў беларускага фемінісцкага пісьма.
Удзел бясплатны для ўдзельнікаў(-іц) з Беларусі. Для тых, хто жыве па-за межамі Беларусі, даступныя платныя месцы.