Для каго:

Мастакі(-чкі) на раннім этапе кар'еры з Германіі і з усяго свету. Праграма адкрытая для візуальнага мастацтва, перформансу, кіно, інсталяцыі, гуку, літаратуры і новых медыя; строгай мяжы паміж мастацтвам, дызайнам і архітэктурай арганізатары(-кі) не праводзяць. Асабліва чакаюць праектаў на стыку мастацтва, энергіі і экалогіі.

Падавацца можна індывідуальна або групай — у заяўцы пазначаецца адна кантактная асоба. Профільная адукацыя ва ўніверсітэце або акадэміі пажаданая, але не абавязковая.

Фармат:

• Рэзідэнцыя ад сярэдзіны жніўня да сярэдзіны лістапада 2027 года, каля трох месяцаў;
• Тры стыпендыяты(-кі) жывуць і працуюць у E-WERK Luckenwalde (Брандэнбург, 40 хвілін на поўдзень ад Берліна), адзін(-на) — у Берліне, жыллё дае Akademie der Künste;
• Падзеі праграмы праходзяць у E-WERK Luckenwalde, Akademie der Künste і Цэнтры сучаснага мастацтва «Уяздоўскі замак» у Варшаве.

Тэма:

Арганізатары(-кі) прапануюць паглядзець на энергію не як на тэхнічны рэсурс ці тавар, а як на матэрыяльную, палітычную і экалагічную сілу, звязаную з гісторыяй здабычы рэсурсаў, працы, каланіялізму, міфаў і магіі. Праекты могуць звяртацца да міфалогіі, касмалогіі і спекулятыўнай фантастыкі, даследаваць нябачную інфраструктуру і яе сляды ў сённяшнім жыцці або асэнсоўваць уплыў штучнага інтэлекту і экстрактывісцкай эканомікі.

Што прапануецца:

• Стыпендыя 20 000 EUR на ганарар і вытворчасць новага праекта: даследаванне і распрацоўку, дарогу, матэрыялы і прэзентацыю;
• Майстэрня і жыллё ў E-WERK Luckenwalde або жыллё ад Akademie der Künste ў Берліне;
• Ментарства і кураторская падтрымка ад E-WERK Luckenwalde;
• Удзел у мастацкай праграме ў E-WERK Luckenwalde, Akademie der Künste і «Уяздоўскім замку»;
• Дапамога партнёрскай сеткі VISIT з доступам да ведаў і тэхнікі — у межах магчымасцяў: не кожны запыт атрымаецца выканаць.

Што чакаецца ад удзельнікаў(-ц):

• Быць даступнымі з 13 жніўня па 10 лістапада 2027 года;
• Жыць і працаваць на месцы не менш за 75 % часу рэзідэнцыі;
• Удзельнічаць у мастацкай праграме, рэтрыце ў Варшаве і сімпозіуме ў Берліне;
• Пажадана пачаць праект у год адбору і скончыць яго цягам наступных шасці месяцаў — тэрміны абмяркоўваюцца для кожнага праекта асобна.

Для заяўкі патрэбныя:

• Кантактныя даныя: прозвішча, імя, тэлефон і email (для групы — адной асобы), а таксама адказ, адкуль вы даведаліся пра VISIT;
• Адукацыя — да 1 500 знакаў;
• Выставы, праекты і ўзнагароды — кароткі спіс самага важнага, да 1 500 знакаў;
• Назва і апісанне праекта — да 1 500 знакаў: асноўная ідэя, сувязь з тэмай «Human-Machine» (чалавек і машына) і яе грамадская значнасць; міждысцыплінарныя і партыцыпатыўныя падыходы вітаюцца;
• Бюджэт — да 1 500 знакаў: асноўныя артыкулы выдаткаў і ці хопіць сродкаў VISIT, ці патрэбнае або ўжо ёсць дадатковае фінансаванне;
• Тэрміны рэалізацыі — да 1 500 знакаў;
• Партфоліа — адзін PDF да 20 MB;
• Па жаданні: патрэбы ў рэсурсах (наведванне пэўных установаў, доступ да тэхналогій) — да 800 знакаў; эскізы праекта — PDF да 20 MB; спасылкі на сацсеткі, сайты або фільмы з кароткім апісаннем (без спасылак на спампоўванне).

Як падавацца:

Праз анлайн-форму(знешні сайт). Захаваць чарнавік і вярнуцца да заяўкі пазней нельга, таму падрыхтуйце ўсе тэксты і файлы загадзя. Пасля адпраўкі на email прыходзіць аўтаматычнае пацверджанне.

Адбор:

Чатыры стыпендыі. Заяўкі разгледзіць незалежнае міждысцыплінарнае журы: Nolan Oswald Dennis (мастак і даследчык), Tiara Roxanne (даследчыца і мастачка з Берліна), Chus Martínez (кіраўніца Institute Art Gender Nature, асацыяваная куратарка TBA21), Sarah Johanna Theurer (куратарка сучаснага мастацтва ў Fondation Beyeler, Базель), Anh-Linh Ngo (віцэ-прэзідэнт Akademie der Künste, тэарэтык архітэктуры і куратар) і Clemens von Wedemeyer (мастак і рэжысёр, сябра Akademie der Künste).

Таймлайн:

• Студзень 2027 года — пасяджэнне журы;
• Канец студзеня 2027 года — паведамленне вынікаў;
• Сярэдзіна жніўня 2027 года — рэтрыт у «Уяздоўскім замку» ў Варшаве;
• Канец жніўня – сярэдзіна лістапада 2027 года — рэзідэнцыя ў E-WERK Luckenwalde або Akademie der Künste;
• 5–6 лістапада 2027 года — сімпозіум у Akademie der Künste, дзе стыпендыяты(-кі) пакажуць работы ў працэсе разам з удзельнікамі(-цамі) 2026 года.

Кантакт: Yara Kloock, асістэнтка праекта ў Akademie der Künste: kloock@adk.de.

Арганізатар:

Mensch Maschine — штогадовая стыпендыяльная праграма JUNGE AKADEMIE пры Akademie der Künste, E-WERK Luckenwalde, VISIT (рэзідэнцыйная праграма E.ON Foundation) і Цэнтра сучаснага мастацтва «Уяздоўскі замак» у Варшаве.

Важна:

• Дата сімпозіума на старонцы праграмы разыходзіцца: у апісанні — кастрычнік 2027 года, у графіку — 5–6 лістапада. Варта ўдакладніць у арганізатараў.