Для каго:

Мастакі(-чкі) з дзвюх сфер: візуальныя мастацтвы і музычная або гукавая творчасць. Арганізатары(-кі) бачаць рэзідэнцыю як працу дуэта, у якой гэтыя практыкі ўступаюць у дыялог, або як два даследаванні, што адгукаюцца адно ў адным. Праекты могуць дапаўняць адзін аднаго, весці дыялог або свядома супярэчыць адзін аднаму.

• Без узроставых і геаграфічных абмежаванняў;
• Падавацца можна аднаму(-ой) або дуэтам;
• Пасля адбору двух мастакоў(-чак), якія падаваліся паасобку, могуць аб'яднаць у дуэт.

Фармат:

• Восем тыдняў паміж студзенем і красавіком 2027 года — можна не запар;
• Колькі часу быць на месцы, вызначаюць паводле патрэбаў праекта і праграмы падзей абацтва;
• Былое абацтва ў Aniane і даліна ракі Эро (Hérault), Францыя — тэрыторыя са статусам Grand site de France.

Тэма:

Арганізатары(-кі) прапануюць уявіць даліну Эро жывой істотай: ландшафты — яе скура, сцежкі — лініі жыцця, рэкі — кровазварот. Партрэт даліны прапануюць скласці з чатырох пытанняў: што тут бачна, што чутна, што адчуваецца і што памятаецца. Сярод магчымых тэм — ноч, зімовы холад і вецер, а таксама страты і змены, праз якія праходзіць тэрыторыя, і тое, як жыхары(-кі) да іх прыстасоўваюцца. У працы можа быць увесь спектр пачуццяў — ад радасці і прывязанасці да смутку і трывогі.

Што прапануецца:

• Стыпендыя 6 000 EUR на чалавека ад Montpellier 2028 — у суму ўваходзяць ганарар, суткавыя і дарога ў Aniane і назад;
• Жыллё за кошт CCVH, калі яно патрэбнае;
• Памяшканні ў абацтве для рэпетыцый, запісу, эксперыментаў, варкшопаў і працы — у тым ліку капліца былой турмы плошчай 350 м² і грымёркі;
• Дапамога з пераездамі па даліне;
• Суправаджэнне каманды CCVH і кантактная асоба ад Montpellier 2028;
• Дапамога CCVH у сустрэчах з жыхарамі(-камі).

Што чакаецца ад удзельнікаў(-ц):

• Сустрэчы, збор гісторый, аматарскія творчыя варкшопы і эксперыменты з жыхарамі(-камі), мясцовымі арганізацыямі і публікай, асабліва з моладдзю, — частка рэзідэнцыі;
• Для даследавання можна выкарыстоўваць ландшафты і вёскі, спадчыну, архівы, бібліятэкі, мясцовыя асацыяцыі, музычную школу і іншыя рэсурсы даліны;
• Першы публічны паказ вынікаў трэба правесці да канца 2026–2027 навучальнага года;
• Увосень 2027 года працу пакажуць на L'événement 27 — фармат вызначаць разам з мастакамі(-чкамі);
• Арганізатары(-кі) могуць папрасіць зрабіць працэс бачным: апісаць сустрэчы, сабраныя матэрыялы і мастацкія рашэнні для архіва цыкла рэзідэнцый.

Для заяўкі патрэбныя:

• Актуальная біяграфія і партфоліа з найбольш дарэчнымі працамі — разам да 15 старонак;
• Апісанне задумы (note d'intention) — да 2 старонак: даследчы і творчы падыход, сувязь з абацтвам і далінай, роля публікі і магчымыя формы публічнага паказу;
• Для праектаў з вытворчай часткай — асноўныя тэхнічныя патрабаванні і абмежаванні.

Як падавацца:

Дашліце файлы ў PDF агульным памерам да 20 МБ на абодва адрасы: contact@montpellier2028.eu і abbaye@cc-vallee-herault.fr.

• Назвы файлаў: «NOM_PORTFOLIO-BIO_ABBAYE_2027» і «NOM_NOTE_ABBAYE_2027», дзе NOM — ваша прозвішча;
• У тэксце ліста — у такім парадку: прозвішча, імя, горад, нумар тэлефона, сайт і сацсеткі (калі ёсць).

Таймлайн:

• Тыдзень 23 лістапада 2026 года — пасяджэнне журы;
• Не пазней за тыдзень 30 лістапада 2026 года — абвяшчэнне вынікаў;
• Студзень – красавік 2027 года — рэзідэнцыя;
• Да канца 2026–2027 навучальнага года — першы публічны паказ;
• Восень 2027 года — прэзентацыя на L'événement 27.

Арганізатар:

Асацыяцыя Montpellier 2028 – Terres de culture разам з Communauté de communes Vallée de l'Hérault (CCVH) — аб'яднаннем 28 камун даліны Эро. Асацыяцыю стварылі Манпелье, Сэт і іншыя мясцовыя ўлады, каб разам падавацца на званне Еўрапейскай сталіцы культуры. CCVH аднаўляе былое абацтва ў Aniane: у розныя часы тут былі манастыр, тэкстыльная фабрыка і турма, а ў ліпені 2026 года адкрылася новая культурная прастора. Рэзідэнцыя — частка праекта L'Abbaye des Possibles.