Для каго:

• Даследчыкі(-цы) з PhD і мінімум трыма гадамі даследчага досведу пасля абароны — на момант падачы;
• Пісьменнікі(-цы), журналісты(-кі) і мастакі(-чкі) з дыпломам бакалаўра (універсітэт або ўніверсітэт прыкладных навук) і мінімум 7 гадамі прафесійнага досведу.

Праграма для тых, хто не можа працягваць працу там, дзе жыве, праз вайну або канфлікт, а таксама для тых, чыю акадэмічную свабоду вайна ці канфлікт сур'ёзна абмяжоўваюць. Праект мусіць быць даследчым і ўпісвацца ў гуманітарныя або сацыяльныя навукі. Трэба валодаць англійскай на акадэмічным узроўні (C1).

Не могуць падавацца: супрацоўнікі(-цы) NIAS і KNAW; былыя стыпендыяты(-ткі) NIAS, калі з іх папярэдняй заяўкі не прайшло 10 гадоў; тыя, у каго ў NIAS ужо разглядаецца іншая заяўка.

Што прапануецца:

• Пяць месяцаў у NIAS у Амстэрдаме, каб працаваць над уласным праектам;
• Стыпендыя 3 500 EUR у месяц — для тых, у каго падчас стыпендыі няма дастатковага даходу (на яе падаюць асобна);
• Кабінет з інтэрнэтам, бібліятэка, тэхнічная і практычная падтрымка;
• Агульныя абеды ў працоўныя дні;
• Субсідаванае жыллё ў Fellows House — 975 EUR у месяц, ёсць і сямейныя кватэры для тых, хто едзе з дзецьмі. Калі вы жывяце ў Нідэрландах, замест гэтага можна атрымаць кампенсацыю паездак — да 250 EUR у месяц;
• Кампенсацыя дарогі — адзін білет туды і назад, да 1 500 EUR;
• Запрашальны ліст для візы. Калі патрэбны дазвол на працу, NIAS сам падае на яго заяўку;
• Штотыднёвыя семінары, магчымасць зладзіць экспертны варкшоп і публічныя падзеі ў NIAS.

Што чакаецца ад удзельнікаў(-ц):

• Працаваць над праектам поўны час і быць у інстытуце фізічна мінімум чатыры дні на тыдзень — ад пачатку да канца стыпендыі;
• Наведваць штотыднёвы семінар па чацвяргах і ўдзельнічаць ва ўводным перыядзе першыя два тыдні;
• Зрабіць мінімум дзве рэцэнзіі на заяўкі іншых кандыдатаў(-ак) на стыпендыі NIAS;
• Згадваць NIAS у публікацыях і іншых працах, якія вырастуць са стыпендыі;
• Звычайна — удзельнічаць у інтэрв'ю, відэа і фотаздымках, праз якія NIAS расказвае пра сябе;
• Прытрымлівацца Кодэкса паводзін NIAS і нідэрландскага кодэкса даследчай добрасумленнасці.

Для заяўкі патрэбныя:

Усе дакументы — па-англійску, кожны асобным файлам .doc, .docx або .pdf.

• Даследчы праект — да 1 500 слоў разам са зноскамі, без спісу літаратуры: апісанне праекта, даследчае пытанне, метадалогія і тэарэтычны ўклад;
• CV — да 2 старонак A4: усе ступені і рэлевантныя пасады з датамі, а таксама асобны спіс да 10 галоўных публікацый або прац са спасылкамі (неанглійскія назвы — з перакладам);
• Матывацыйны ліст;
• Risk statement — да 500 слоў: якая менавіта пагроза вашай свабодзе працы і чаму патрэбны пераезд.

Калі карыстаецеся генератыўным ШІ, гэта трэба пазначыць у заяўцы і ў спісе літаратуры да праекта.

Дэдлайн: 14 снежня 2026 года, 12:00 CET — на першы семестр 2027–2028 навучальнага года (верасень 2027 — студзень 2028). Прыём заявак ідзе ўвесь год, адбор — двойчы на год, з дэдлайнамі ў чэрвені і снежні.

Пасля адпраўкі прыйдзе аўтаматычны ліст: рэгістрацыю трэба пацвердзіць цягам 48 гадзін — інакш заяўка стане несапраўднай. Змяніць заяўку пасля падачы нельга, а няпоўныя адхіляюць. Падаваць можа толькі сам(-а) кандыдат(-ка), не пасярэднікі. Кожную заяўку ацэньваюць два знешнія рэцэнзенты(-кі), канчаткова выбірае дырэктар NIAS паводле рэкамендацыі камітэта.

Кантакт: partners@nias.knaw.nl

Арганізатар: NIAS — Netherlands Institute for Advanced Study, інстытут Каралеўскай акадэміі навук Нідэрландаў (KNAW). Партнёры праграмы — University of Amsterdam, Maastricht University і KNAW.

Важна:

• Квіткі на дарогу трэба купляць самім, а візу і, калі патрэбна, дазвол на працу — афармляць у пасольстве Нідэрландаў у вашай краіне. Дапамагчы з дарогай NIAS спрабуе, толькі калі вы не можаце выехаць самастойна праз палітычныя, юрыдычныя ці іншыя абмежаванні;
• Стыпендыя часовая і не дае права застацца ў Нідэрландах. Перанесці яе на іншы семестр нельга, а калі вы не можаце быць у NIAS увесь семестр, прапанову адклікаюць;
• NIAS не дапамагае з прытулкам, эвакуацыяй і псіхалагічнай падтрымкай.