Для каго: аўтары(-кі), даследчыкі(-цы), перакладчыкі(-цы), выдаўцы, рэдактары(-кі), мастакі(-чкі), куратары(-кі), культурніцкія ініцыятывы, арганізацыі і незалежныя праекты. Падавацца могуць тыя, хто працуе з беларускай культурай, кнігай, мовай, гісторыяй, грамадствам і сучаснымі формамі культурнага самавыяўлення.

Тэма сезона 2026 года — «Чужая Бацькаўшчына».

Фестываль адкрыты для новых ідэй, праектаў і фарматаў супрацоўніцтва. На разгляд можна прапаноўваць:

• Дыскусіі;
• Прэзентацыі;
• Лекцыі;
• Чытанні;
• Паказы;
• Майстар-класы;
• Перформансы;
• Міждысцыплінарныя праекты;
• Іншыя фарматы, звязаныя з тэмай і агульнай канцэпцыяй фестывалю.

Гарады і даты PRADMOVA_26:

• Уроцлаў — 2–4 кастрычніка 2026 года;
• Вільнюс — 16–18 кастрычніка 2026 года;
• Прага — 30 кастрычніка — 1 лістапада 2026 года;
• Варшава — 13–15 лістапада 2026 года.

Як падавацца:

Адна заяўка падаецца на адно канкрэтнае мерапрыемства.

Калі адно і тое ж мерапрыемства прапануецца для некалькіх гарадоў, трэба падаць асобную інфармацыю па кожнай пляцоўцы. Калі ў адной заяўцы пазначаныя некалькі гарадоў, каманда PRADMOVA пакідае за сабой права выбраць горад для рэалізацыі.

У заяўцы трэба дакладна апісаць:

• Назву і канцэпцыю мерапрыемства;
• Фармат — дыскусія, лекцыя, паказ, майстар-клас, размова і інш.;
• Працягласць і мову правядзення;
• Склад удзельнікаў(-ц), мадэратара(-ку) або вядоўцу, калі гэта датычыцца;
• Моўныя, тэхнічныя і арганізацыйныя патрэбы;
• Якую фінансавую падтрымку вы запытваеце ў фестывалю;
• Што атрымае або зразумее аўдыторыя пасля мерапрыемства.

Назва і апісанне павінны быць канкрэтнымі: агульных фармулёвак недастаткова.

Фінансавая і арганізацыйная падтрымка:

У заяўцы трэба пазначыць, якая менавіта падтрымка патрэбная ад фестывалю і яе прыкладны кошт.

Гэта можа быць:

• Кампенсацыя праезду;
• Пражыванне;
• Ганарар;
• Тэхнічная падтрымка;
• Іншыя неабходныя выдаткі, непасрэдна звязаныя з рэалізацыяй мерапрыемства.

PRADMOVA падтрымлівае толькі выдаткі, якія неабходныя для правядзення мерапрыемства і адпавядаюць прынцыпам эканамічнага выкарыстання бюджэту.

Важна:

Падача заяўкі не азначае аўтаматычнага ўключэння мерапрыемства ў праграму.

Каманда PRADMOVA будзе ўлічваць адпаведнасць прапановы тэме і агульнай канцэпцыі сезона, яе актуальнасць, ступень распрацаванасці, арганізацыйныя магчымасці і даступныя рэсурсы.

Перад падачай варта ўважліва азнаёміцца з правіламі падачы заявак і прынцыпамі фестывальнай прасторы PRADMOVA.