Project Manager RED&PRO у EIT Culture & Creativity — да 65 000 EUR у год, рэгенератыўны дызайн і спадчына
Project Manager RED&PRO — часовая пасада на поўны дзень у EIT Culture & Creativity, партнёрстве Еўрапейскага інстытута інавацый і тэхналогій (EIT), якое падтрымлівае культурныя і творчыя індустрыі Еўропы. Чалавек на гэтай пасадзе будзе дапамагаць дырэктару(-цы) па адукацыі выконваць абавязкі арганізацыі ў праекце RED&Pro праграмы Horizon Europe. Праект праз шэсць эксперыментальных RED-Labs спалучае традыцыйныя рамёствы, лічбавыя інавацыі і цыркулярныя матэрыялы, каб зрабіць культурную спадчыну апорай рэгенератыўнай эканомікі.
Працаўладкаванне магчымае толькі ў Нідэрландах, Аўстрыі або Іспаніі.
Для каго:
- Ступень бакалаўра ў кіраванні праектамі, еўрапейскіх справах, вышэйшай адукацыі, кіраванні інавацыямі або ў сумежных галінах — архітэктуры, дызайне, культурнай спадчыне, навуках пра навакольнае асяроддзе, мастацкім і культурным менеджменце;
- Першы прафесійны досвед каардынацыі праектаў, пажадана ў калабаратыўных праграмах ЕС — Horizon Europe або ініцыятывах EIT;
- Моцныя арганізацыйныя навыкі: уменне весці некалькі work packages (працоўных пакетаў) з тэрмінамі, якія перакрываюцца;
- Выдатная пісьмовая і вусная англійская, уменне зводзіць даныя праекта ў зразумелыя справаздачы для кіраўніцтва і знешніх каардынатараў(-ак);
- Досвед лагістычнай і адміністрацыйнай падтрымкі падзей, варкшопаў або learning journeys для МСП, творчых сетак і палітыкаў;
- Досвед удзелу ў падрыхтоўцы policy briefs, white papers або стратэгій выкарыстання вынікаў праекта;
- Добрае разуменне культурных і творчых сектараў і індустрый, асабліва ролі спадчыны ў экалагічных пераменах.
Плюсам будуць:
- Веданне таго, як адсочваць прадпрымальніцкія траекторыі, альтэрнатыўныя бізнес-мадэлі або камерцыялізацыю ў фінансаваных праектах;
- Досвед абмену ведамі і будавання супольнасцяў, найлепш у мейкерскіх, рамесніцкіх або дызайнерскіх асяродках;
- Знаёмства з цыркулярнай эканомікай, рэгенератыўным дызайнам або біярэгіянальнай вытворчасцю;
- Разуменне размеркаваных дызайн-экасістэм — мейкерскіх рухаў, Fab Labs, commons-based peer production;
- Цікавасць да новых адукацыйных мадэляў: павышэння кваліфікацыі, гібрыднага і нефармальнага навучання зялёным і лічбавым кампетэнцыям;
- Базавае веданне палітык ЕС — New European Bauhaus, European Green Deal, Ecodesign for Sustainable Products Regulation (ESPR);
- Іншыя еўрапейскія мовы.
Фармат:
- Часовая пасада на поўны дзень — кантракт на тэрмін праекта, да траўня 2029 года;
- Пераважна дыстанцыйна, з перыядычнымі сустрэчамі ўжывую і камандзіроўкамі;
- Працаўладкаванне магчымае толькі ў Нідэрландах, Аўстрыі або Іспаніі;
- Падпарадкаванне — дырэктару(-цы) па адукацыі;
- Пачатак — як мага хутчэй.
Што прапануецца:
- Заробак 60 000–65 000 EUR у год — у залежнасці ад досведу і краіны працы;
- Штогадовы бонус да 10% гадавога заробку брута — у залежнасці ад вашых вынікаў і вынікаў арганізацыі;
- Удзел у будаванні арганізацыі, якая хоча ўплываць на будучыню Еўропы;
- Кароткія працэсы, простая ўнутраная камунікацыя, плоская структура і свабода дзейнічаць;
- Прыязная каманда і магчымасць працаваць дыстанцыйна;
- Доступ да адной з найбуйнейшых інавацыйных экасістэм Еўропы;
- Міжнароднае і мультыкультурнае асяроддзе.
Што чакаецца ад удзельнікаў(-ц):
- Падтрымліваць дырэктара(-ку) па адукацыі ў выкананні абавязкаў EIT Culture & Creativity ў праекце RED&Pro;
- Аператыўна і праектна суправаджаць некалькі ключавых work packages;
- Наладжваць супрацу з міжнародным кансорцыумам партнёраў;
- Сачыць, каб этапы і вынікі праекта здаваліся ў тэрмін.
Для заяўкі патрэбныя:
- Падрабязнае CV з адпаведным досведам;
- Матывацыйны ліст — як вы адпавядаеце крытэрыям і як бачыце сваю ролю, не больш за дзве старонкі A4.
Абодва дакументы — па-англійску, двума асобнымі файламі. Няпоўныя заяўкі не разглядаюць.
Адбор:
Заяўкі ацэньвае камісія экспертаў(-ак), яе праца канфідэнцыйная. Кандыдатаў(-так) з кароткага спіса запросяць на інтэрв'ю. Могуць папрасіць дакументы, якія пацвярджаюць кваліфікацыю і досвед, а таксама запрасіць на інтэрв'ю на іншыя вакансіі арганізацыі.
Пытанні пра падачу — hiring@eit-culture-creativity.eu.
Арганізатар:
EIT Culture & Creativity — партнёрства, якое ў 2023 годзе запусціў European Institute of Innovation and Technology (EIT), орган ЕС. Яно падтрымлівае культурныя і творчыя сектары праз фінансаванне, веды і кансультацыі. Штаб-кватэра — у Кёльне, рэгіянальныя хабы — у Амстэрдаме, Барселоне, Балонні, Хельсінкі, Кошыцах і Вене.