Для каго:

• Пісьменнікі(-цы), перакладчыкі(-цы) і мастакі(-чкі) з любых краін, у тым ліку мясцовыя;
• Падаюцца групай ад двух чалавек, прычым удзельнікі(-цы) мусяць прадстаўляць прынамсі дзве краіны або нацыянальнасці — гэта абавязковая ўмова праграмы;
• Рэкамендаваная максімальная колькасць — чатыры чалавекі; на групу падаецца адна агульная заяўка, а асноўны(-ая) заяўнік(-ца) называе сузаяўнікаў(-ц) у форме;
• Прынамсі адзін(-на) з заяўнікаў(-ц) мусіць працаваць у полі літаратуры;
• Міждысцыплінарная супраца вітаецца;
• Заяўкі з нардычнай і/або балтыйскай сувяззю могуць мець прыярытэт.

Пра рэзідэнцыю: пры падтрымцы Arts Council Norway, Sparebankstiftelsen Nordvest і акругі Мёрэ-ог-Румсдал цэнтр прапануе перыяд бясплатных рэзідэнцый на ўзбярэжжы Нарвегіі. Цэнтр заснаваны як некамерцыйнае таварыства з выразнай грамадскай місіяй: ён не размяркоўвае дывідэндаў, і ўвесь прыбытак ідзе назад у дзейнасць на карысць публікі і мастацкага абмену.

Калі і дзе: востраў Rangøya каля Atlantic Ocean Road у камуне Аверой (Rangøyveien 423, 6532 Averøy), Нарвегія. Дом з чатырма спальнямі, дзвюма ваннымі, агульнай кухняй, гасцёўняй і невялікай бібліятэкай; у кожным пакоі — стол, ёсць асобны працоўны пакой і веласіпеды. Бліжэйшая прадуктовая крама — каля 5 км, бліжэйшыя аэрапорты — Крысціансун (KSU) і Молдэ (MOL).

Рэкамендаваная працягласць рэзідэнцыі — адзін месяц, дакладныя даты ўзгадняюцца індывідуальна.

Што прапануецца:

• Пражыванне ў доме цэнтра;
• Прастора для працы, варкшопаў і камерных падзей;
• Сувязі з рэгіянальнай літаратурнай супольнасцю — цэнтр актыўна знаёміць гасцей з мясцовымі аўтарамі(-камі) і культурным асяроддзем;
• Пацвярджальны ліст пасля адбору — можа выкарыстоўвацца як дакумент пры падачы на іншае фінансаванне.

Поўныя ўмовы можна прачытаць у адкрытым PDF-дакуменце.